Люля-кебаб

650 г фарш

 2 һуған

 тоҙ, борос

 тәмләткестәр

 ләүәш (теләк буйынса)

 6-8 ағас таяҡса

Маринадланған һуған:

 1 һуған

 1 балғалаҡ аш һеркәһе (9 %)

Әҙерләү:

1. Фаршҡа ваҡ итеп туралған һуғанды, тәмләткестәрҙе ҡушып тасҡағыҙ, бер аҙ һуҡҡылап алығыҙ. Һуңынан ярты сәғәткә һыуытҡысҡа оҙатығыҙ.
2. Ағас таяҡсаларҙы 20-30 минутҡа һалҡын һыуға һалығыҙ.Шулай итһәң, улар бешергән ваҡытта ярылмай.
3. Фарштан йомроҡастар яһағыҙ. Уртаһынан ағас таяҡсаны үткәрегеҙ ҙә, фаршты әүәләй-әүәләй, люля-кебаб формаһын бирегеҙ.
4. Барыһын да пергамент ҡағыҙы түшәлгән формаға йә ләүәш өҫтөнә теҙеп сығығыҙ. 180 градусҡаса ҡыҙған мейестә теүәл ярты сәғәт бешеререгеҙ.
5. Люля-кебабты маринад-ланған һуған менән ашау хәйерлерәк. Бының өсөн 1 баш һуғанды ярымтүңәрәктәргә ки-ҫеп, ярты минут ҡайнар һыуҙа тотоп алығыҙ. Аҙаҡ һыуын түгеп, сама менән тоҙ, борос, аш һеркәһе ҡушып болғатығыҙ. 10-20 минут үткәс, һуғанды яҡшылап һығып алығыҙ.

Аштарығыҙ тәмле булһын!

Уңған килен Зөбәржәт Утарбаева