Еңеүселәр билдәләнде!
Алдағы һандарҙа Ҡөрьән уҡыу буйынса «Бәхет» онлайн-мәктәбе (етәксеһе Ләйсән Бәхтиева) үткәргән ғәрәп каллиграфияһы буйынса уҙғарылған конкурс тураһында хәбәр иткәйнек инде. Ошо көндәрҙә бәйгегә йомғаҡ яһалды һәм конкурста еңеүселәр билдәләнде.
Ойоштороусылар әйтеүенсә, Ҡөрьәнгә һәм Исламға һөйөү тәрбиәләү маҡсатында уҙарыл-ған был бәйгегә өлкәндәр но-минацияһына – 21, балалар номинацияһына 6 эш тәҡдим ителгән. Ҡатнашыусылар геогра-фияһы ғәйәт киң: Башҡортостан матур яҙыу оҫталарынан тыш, Мәскәү өлкәһе, Ҡабарҙы-Балҡар, Татарстан республикалары, Кисловодск, Волгоград ҡалалары, Ханты-Манси автономия өлкәһендәге Мегион ҡалаһынан ҡатнашҡандар. «Конкурсҡа тәҡдим ителгән һәр эш Аллаһу Тәғәләне, Пәйғәмбәребеҙҙе ﷺ, гүзәл динебеҙҙе иҫкә төшөрөүе менән әһәмиәтле», – ти мөғәллимә Сафия Ғәзетдинова.
Ғәрәп каллиграфияһы конкурсы еңеүселәре:
Өлкәндәр номинацияһында
1-се урын – Алһыу Яҡупова (Татарстан)
2-се урын – Нурзидә Ишалина (Ишембай ҡалаһы), Земфира Абдуллина (Әбйәлил районы)
3-сө урын – Жанета Канамготова (Ҡабарҙы-Балҡар Республикаһы), Рената Әмерханова (Мәскәү өлкәһе)
Балалар номинацияһында:
1-се урын – Гөлшат Нәбиева (Өфө)
2-се урын – Ләйсән Нәбиева (Өфө), Әнүәр Яҡупов (Татарстан)
3-сө урын – Лилиә Нәбиева (Өфө)
«Әс-Сәләм» гәзитенең махсус призына Ғафури районынан Зилә Аҡбашева лайыҡ булды.
Конкурста ҡатнашҡан эштәрҙе гәзитебеҙҙең 2-се, 5-се, 10-сы, биттәрендә күрергә мөмкин.
