РАМАҘАН АЙЫ МӨБӘРӘК

РАМАҘАН АЙЫ МӨБӘРӘК

Рамаҙан айы мөбәрәк,

Сәхәргә торҙом тағы.

Өҫтәлемдә ризыҡҡа − май,

Икмәге лә тик ағы.

Доғаларым ҡабул булһын,

Һаулыҡ һорайым һәр көн,

Ҡөрьән китабын уҡыйыҡ,

Һанаулы үтә һәр төн.

Оҙаҡламай Ҡәҙер кисе

Доғала уҙғарырға.

Яҙмыш дәфтәре яҙыла

Алдан алып бер йылға.

Рамаҙан айы мөбәрәк,

Изге эштәр эшләйек.

Мосолмандар, татыу булып,

Был донъяла йәшәйек.

Әхирәттә бергәләшеп

Булырбыҙ Аллаһ бирһә.

Ислам дине − терәгебеҙ,

Ожмах − вәғ(ә)ҙә бит беҙгә.

Фәнүзә Биккужина, Өфө ҡалаһы