Афат килгәндә, Аллаһҡа мөрәжәғәт итәйек!

Афат килгәндә, Аллаһҡа мөрәжәғәт итәйек!

«Бәҡара» сүрәһенең 155-157-се аяттарында әйтелә:

وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ

أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَ أُولَئِكَ هُمُ الْمُهْتَدُونَ

Мәғәнәһе:

«(Әй Пәйғәмбәр!) Сабырҙарҙы шатландыр! Ауыр саҡта улар: «Иннә лилләһи үә иннә иләйһи раджиғүн» (Беҙ Аллаһтыҡы, Уға ҡайтарыласаҡбыҙ), – тиерҙәр. Уларға Аллаһтың салауаты һәм рәхмәте. Улар тура юлдан барыусылар».

Шуға беҙгә ауыр саҡта тәүбә ҡылып, доға ҡылып, Аллаһҡа һыйынып, сабыр итергә кәрәк.

Пәйғәмбәребеҙ ﷺ берәй ҡайғы һәм ауырлыҡ килгән сағында:

إِنَّا للهِ وَإِنَا إِلَـيْهِ راجِعُونَ، اللَّهُـمَّ اْجُـرْنِي فِي مُصِـيبَتِي، وَاخْلُـفْ لِي خَيْـراً مِنْـهَا

Транслитерация:

«Иннә лилләһи үә иннә иләйһи раджиғун. Аллаһумма-джурни фи мүсыбәти үәхлүф ли хайран минһә».

Мәғәнәһе:

«Беҙ Аллаһтыҡы, Уға ҡайтарыласаҡбыҙ. Йә, Аллаһым, бәләмдең әжерен бир һәм уны хәйерлеһе менән алыштыр», – тигән (имам Әхмәд).