Һин байһың
Һин байһың
Бер ваҡыт ярлы кеше аҡыл аҡыл эйәһен осрата һәм унан һорай:
− Әйт әле, аҡһаҡал, ни өсөн мин ярлы?
− Сөнки һин йомартлыҡ күрһәтмәйһең.
− Нисек мин йомартлыҡ күрһәтәйем, әгәр минең кешегә бирерлек бер нәмәм дә юҡ икән?
− Йомартлыҡ күрһәтеү өсөн һинең биш нәмәң бар, ләкин һин уларҙы файҙаланмайһың.
− Зинһар өсөн әйтегеҙ: ниндәй биш нәмә ул?
− Һин үҙеңдең йөҙөң менән кешеләргә йылмайыу бүләк итә алаһың. Тик һин быны эшләмәйһең.
Һин күҙҙәрең менән һәр бер ерҙә Аллаһу Тәғәләнең ғәжәйеп мөғжизәләрен күрә, уларға һоҡлана алаһың, шулай уҡ башҡаларға һөйөү һәм ҡайғыртыусан ҡараш менән баға алаһың, әммә һин быны эшләмәйһең.
Телең менән һин башҡаларға ниндәйҙер яҡшы һүҙ әйтә алаһың, ләкин быны эшләмәйһең.
Йөрәгең (күңелең) менән башҡаларға бәхет теләй алаһың, тик һин быны эшләмәйһең.
Һин үҙеңдең тәнең, әйтәйек, ҡулдарың менән, кешеләр өсөн нимәлер эшләй, ярҙам итә алаһың, әммә һин быны ла эшләмәйһең.
Һин үҙеңә күпме рөхсәт итәһең, шул ҡәҙәр байһың.
