Ажайиб алемда
Узбекистандикай итижлу делилар
– Узбекистан Юкьван Азиядин уьлкве я. Меркез – Ташкент.
– Узбекистандин умуми майдан 448 924 квадратный километрдикай ибарат я. Уьлкведа 36 миллиондилай гзаф ксар яшамиш жезва.
– Узбекистандин сергьятрив са шумуд уьлкве гва – Туьркменистан, Афгъанистан, Къазахстан, Къиргъизистан ва Таджикистан.
– Итижлу делилрикай сад ам я хьи, Узбекистандин къуншидаллай уьлквейрин тIварарни “стан” паюналди акьалтIзава. “Стан” – уьлкве, гьукумат лагьай чlал я.
– Бязи чешмейри къейдзавайвал, СНГ-дин уьлквейрин арада, яшамиш жезвай инсанрин гзафвилел гьалтайла, Узбекистан пуд лагьай чкадал ала.
– Уьлкведа ял ядай лап хъсан ва къулайдаказ яшамиш жедай мумкинвилер авай, гуьрчег ва михьи шегьер Ташкент яз гьисабзава.
– Узбекистандин Самарканд дуьньядин къадим (2750 йисалай гзаф) шегьеррикай сад я.
– Бухара, Самарканд ва Хива туристрин фикир желбзавай, килигуниз лайихлу шегьерар я.
– Бухарадани Самаркандда гзаф кьадар Исламдин алимар ва шейхер кучуднава. Абурал мусурманри зияратар ийизва.
– Юкьван Азиядин виридалайни кьакьанди (375 метр) яз гьисабзавай Ташкентдин телебашня 1985-йисуз эцигна.
– Узбекистан Чартак, Агалык, Чимган ва маса курортралди девлетлу я.
– Юкьван Азияда сифте яз метро 1977-йисуз Узбекистанда туькIуьрна.
– Узбекистандин пулуниз сум лугьуда.
– Узбекистанда юкьван мажибдин кьадар 200 доллардиз барабар я.
– Узбекистан памбаг гьасилунин жигьетдай дуьньяда вилик жергеда авай вад уьлкведик (Китай, США, Индия, Пакистан) акатзава.
– Юкьван Азиядин виридалайни яргъи (2212 метр) вацI Сырдарья Узбекистандин мулкарилай авахьзава.
– Аральский гьуьл кьуруникди Узбекистанда ва адахъ галаз сергьятдал алай уьлквейра экологиядин жигьетдай четин месэлаяр арадал атанва.
– И уьлкведин мулкарал кьве агъзурдалай гзаф мискIинар ала.
– Узбекри гзафни-гзаф лацу рангунин машинар хкязава. Себеб ам я хьи, зегьем вахтунда лацу рангуни чимивал тIимил чIугвада.
– Къизилдин запасрал гьалтайла, Узбекистанди дуьньяда кьуд лагьай (ЮАР-дилай, США-дилай ва Россиядилай гуьгъуьниз) чка кьазва.
Индиядикай итижлу делилар
– 2026-йисуз Индияда 1,476 миллиард инсан яшамиш жезва. Абурукай 200 миллион кьван мусурманар я. Амма халкьдин гзаф пай (80%) индуизм диндиз табий жезва.
– Индияда кардик квай мискIинрин кьадар 300 агъзурдалай артух я. Бязи чешмейри тестикьарзавайвал, гьатта Исламдин уьлквейрани икьван авач.
– Индияда 400-елай гзаф миллетар яшамиш жезва ва гьакьван чIаларни ава. Ам дуьньяда виридалайни гзаф чIалар кардик квай уьлкве я.
– Индиядин умуми майдан 3 287 263 квадратный километрдикай ибарат я.
– Индиядин агьалийрикай саки пудай са пай, як ишлемиш тийиз, майваяр ва маса набататар незвайбур я.
– И уьлкведа кал пак гьайван яз гьисабзава. Гьавиляй калер шегьеррин куьчейра азаддаказ къекъвезва.
– Индияда виридалайни машгьур улакьар мотоциклиярни мопедар я. Чкадин агьалийрин фикирдалди, и улакьрин куьмекдалди гзаф инсанар авай куьчейра гьерекатдик хьун регьят я. Мадни, и улакьар маса гун-къачун регьят яз гьисабзава.
– Индияда виридалайни машгьур чIал хинди я. Агьалийрин саки 40 процент и чIалан сагьибар я.
– Индиядин лап чIехи шегьеррик Мумбай, Дели, Бангалор, Калькутта, Ченнай, Ахмадабад, Хайдарабад ва масабур акатзава.
– Индиядин агьалийри кIвалера гьамиша михьивал хуьда, амма куьчеяр гзаф вахтара чиркин жеда.
– Са йисан къене Индияда агъзурдалай виниз фильмар арадал гъизва.
– Индиядин календарда 6 вахт (сезон) ава: гатфар, гад, марфарин вахт, зул, кьуьд, фад алукьдай гатфар.
– ПIапIрусар хьиз, ичкини и уьлкведа анжах махсус туьквенрай маса гузва.
