Ажайиб алемда
Бахрейндикай итижлу делилар
– Бахрейн островдин гъвечIи гьукумат я. Ам Азияда (Персидский заливда) ава. Меркез — Манама.
– И уьлкведин умуми майдан 766 квадратный километрдикай ибарат я. Москва шегьердин умуми майдандив гекъигайтIа, Бахрейн саки кьуд сеферда гъвечIи я.
– Бахрейнда са миллионни зур кьван агьалияр яшамиш жезва.
– Уьлкведа араб чIал кьилинди я.
– Бахрейн Азиядин виридалайни гъвечIи уьлквейрикай пуд лагьай чкадал ала. Адалай гъвечIибур Сингапур ва Мальдивар я.
– И уьлкведиз Саудовский Аравиядин Эль-Хубар шегьердихъ галаз улакьрин муькъуьн алакъа ава. 25 километр алай и муьгъ 1986-йисуз Саудовский Аравияди туькIуьрна. И муькъвелай суткадин муддатда 25 агъзур машин ахъайзава.
– Бахрейндикай аслу тушир государство хьана 50 йисалайни тIимил я.
– 1971-йисалди Бахрейн Англиядин таждин протекторатдик квай. Гьа и йисуз гьукуматди аслу туширвал малумарна.
– Бахрейн араб уьлквейрикай виридалайни гъвечIиди, амма девлетлуди я. Анин экономика нафт, тIебии газ, алюминий ва гевгьер хкудзавай чкаяр аваз хьуни хкажзава.
– Государстводин милли пул бахрейндин динар я. Вилик вахтара ана Индиядин рупий кардик квай.
– Килигуниз лайихлубурукай сад “Уьмуьрдин тар” я. Тажуб жедай кар ам я хьи, цин чешмеяр авачир къумлух чкада текдиз акациядин тар экъечIиз 400 йисалайни артух я.
– Уьлкведин мулкара Америкадин военный база ава.
– Дуьньядин лап чIехи мискIинрикай сад Бахрейнда ава. Ана гьа са вахтунда ибадат ийидай 7 агъзурдалай гзаф ксар гьакьзава. МискIиндин майдан 6500 квадратный метрдикай ибарат я.
– Исламдин къанунрал амалзавай уьлкве тирвиляй, Бахрейнда ички квай затIар хъун ва абур маса гун къадагъа я. Ички гьатта туристризни къадагъа авунва.
– Бахрейнда сиясатдин партияр къанундалди къадагъа авунва.
Ганадикай итижлу делилар
— Гана РагъакIидай патан Африкадин уьлкве я. Ана 33 миллиондилай виниз инсанар яшамиш жезва. Уьлкведин меркез Аккра я.
— Уьлкведин умуми майдан 238533 квадратный километрдикай ибарат я.
— Ганади 1957-йисуз Великобританиядилай аслу туширвал къачуна.
— Чкадин са чIалай таржума авурла, уьлкведин тIвар “дявекар пачагь” лагьай чIал жезва.
— Ганадин саки 70 процент кьериз кул-кусар, надир тарар авай гегьенш чуьллери кьунва.
— Ганадин пайдахдин юкьвал чIулав гъед ала. Ада колониализмдихъ галаз женг чIугунин карда Африкадин халкьарин азадвал ва садвал лишанламишзава.
— Ганадин агьалийрикай 69 процентди чеб хашпересар ва 20 процентди чеб мусурманар яз гьисабзава.
— 2015-йисуз Ганади тарихда сифте яз космосдиз спутник ахъайна.
— Итижлу делилрикай сад ам я хьи, алай вахтунда Гана къизил хкудунин жигьетдай дуьньядин 10 уьлкведин жергеда ава.
— Чкадин тIуьнрикай рахайтIа, агьалийри асул гьисабдай балугъар ва жуьреба-жуьре пахлаханар (рак) ишлемишзава.
— “Азадвал ва адалатлувал” — им уьлкведин девиз я.
— Ганадин 26 заповедникда 100-лай гзаф надир гьайванар яшамиш жезва, гьа жергедай яз — филер ва гепардарни.
— Ганада 16-17-асирра португалвийри эцигай къадим зурба дараматар гзаф ава.
— Уьлкведин пулунин тIвар “ганадин седи” я.
— Ганада официальный чIал ингилис чIал я. Гьа са вахтунда ингилис чIал халкьдин пудай са паюниз кьван чизва.
— Уьлкведин мулкара къизил, алмас, марганец, нафт, тIебии газ, гимиш ва маса затIар квай чкаяр ава. Гьавиляй 1957-йисалди Гана “Къизилдин къерех” тIварцIел-ди машгьур тир.
