Дуьз гаф багьа костюм хьиз я
Дуьз гаф багьа костюм хьиз я
Дуьз гаф, бегьле хьиз, инсандин чинал гьалчиз жеда. А вахтунда ада ам са чIавузни кьабулдач, и карда чинебан туьгьмет ва гьуьжетдиз эверун ава хьи.
Амма адал ам хъсан костюм хьиз алукIизни жеда ва куь ихтилатчиди, са тIимил дикъетдалди килигна ва и адалатлувилин «партал» адахъ галаз гьикьван хъсандиз кьазватIа гъавурда акьуна, ам хушвилелди ва разивилелди кьабулда.
Дуьз гаф багьа савкьват хьиз багъишиз алакьун ва инсандал гьакъикъатдин багьа парталар, ада абур вичи, хушуналди кьабулдайвал, гьич илитI тавуна алукIун – им чIехи устадвал я. Мумкин я, ахьтин устадвал са вахтунилай жеда, гьикI яшар хьайила арифдарвал къвезватIа. Амма йисар кьилди, устадвал галачиз къвезвай ва гьатта чIарар рехи хьанвай кьуьзуь касдиз неинки арифдарвилин пай таганвай, ам гьатта сагълам акьулдикай магьрум авунвай дуьшуьшарни тIимил туш, къуй Аллагьди ﷻ чун ахьтин крарикай хуьрай.
Аквадай гьалда, ви ван къведайвал ва ваз яб гудайвал анжах а ксаривай лугьуз жезва хьи, нивай инсанрин руьгьерай кьил акъудиз ва инсандин рикIиз дуьз рехъ жагъуриз алакьзаватIа.
Им лагьайтIа, вичин нубатда, жуван руьгь чир тавунмаз, адан кьил акъат тийир чкайрай фин тавунмаз ва жуван къилих аннамишиз ва адал гуьзчивал тухуз чир тахьанмаз, руьгьдин чIуру ерияр муьтIуьгъариз ва тарифдинбур арадал гъиз чир тахьанмаз, мумкин туш.
Куьн агъзурни са сеферда гьахъ хьун мумкин я, амма им куьне ашкара тир гьакъикъат гъавурда тваз кIанзавай инсандиз са затIунайни тахьун мумкин я.
Нин сиве туькьуьл дад аватIа, ада булахдин ядни туькьуьлдай гьисабда…
