Къуръанда тlвар кьунвай дарман
Къуръанда тlвар кьунвай дарман
Куьлуь гьашаратдин патай Аллагьди ﷻ чаз ганвай вирт гьикьван важиблу ятIа, чаз чизва жал? Глюкоза ва фруктоза хьтин шекеррихъ галаз санал, виртIедик генани калий, магний, кальций, натрий, хлор, гугурт, ракь, фосфор ва са жерге минералар ква.
Вичин нектардин ва маядин руквадин (пыльцадин) еридин аслувилиз килигна, виртIедик В1, В2, С, В6, В5 ва В3 витаминар, мадни са тIимил цур, йод ва цинк ква.
Абурулайни гъейри виртIедик са бязи гормонар ква. Аллагьди Къуръанда лугьузвайвал, вирт – им инсанар патал дарман я. И гьакъикъат Китайда, 1993-йисан 20-26-сентябрдиз чIижерхъанрин Виридуьньядин Конференциядал кIватI хьайи алимри тестикьарна.
Американви алимри къейд авурвал, виртIеди, маядин руквади, прополисди ва маточный некIеди гзаф азарар сагъарзава.
Румынви духтурди къейд авурвал, катаракта (вилин азар) авай 2094 начагъдакай 2002-даз виртIедикай куьмек хьана, тамамвилелди дири хъхьана.
Конференциядал генани Польшадин алимри хабар гайивал, чIижрен мумади бубасил (геморрой), хамун азарар, гинекологиядин азарар ва маса азарар сагъариз куьмекзава.
Илимдин рекьяй вилик фенвай гьукуматра чIижерхъанвили ва виртIедин продуктри ахтармишунин цIийи рехъ ачухнава.
ВиртIедин амай хийирлу ерийрикай агъадихъ лагьанва: беденда фад цIразва, дуркIунрин ва ратарин кIвалах хъсанарзава, вичик калорияр тIимил кватIани, энергия гзаф гузва ва бедендал кьадардилай артух як гъизвач, ивидин клеткаяр арадал гъуниз ва ам михьуниз куьмек гузва, иви дамаррай къекъуьн къайдада туниз хъсан таъсирзава.
- Дамаррин азаррикай ва атеросклероздикай хуьзва.
- Бактерийриз акси къуват ава.
- ВиртIедихъ галаз тухвай ахтармишунри къалурайвал, цихъ галаз какадарайла, бактерияр тергдай адан къуват кьве сеферда артух жезва.
ЦIийиз хайи чIижериз колонияда, абурухъ гелкъуьнин жавабдарвал хиве авай чIижери, яд какадарнавай вирт гузвай вакъиа гуьзетун гзаф итижлу я, на лугьуди абуруз виртIедин а гьалдикай хабар ава.
- ЧIижрен нек – им куьнуьдин къене кIвалахзавай чIижре арадал гъизвай шей я. Адак углеводар, протеинар, гъерияр ва гзаф витаминар ква. Ам бедендик квай шейэр бес тахьайла ва къуватсуз хьайила ишлемишзава.
