100 агъзур фунт стерлинг Аллагь ﷻ патал
100 агъзур фунт стерлинг Аллагь ﷻ патал
2017-йисуз кьак акатна кечмиш хьайи Марьяман ирид йис тир. Рекьидайла руша вичин буба Сахгир Агьмедавай, Британиядин Бирмингем шегьердин агьалидивай, Африкадиз фена ана авай муьгьтежбуруз куьмек гун тIалабнай.
«Марьям рекьидалди кьве гьафте амаз, ада заз лагьана хьи, вичиз Африкадин агьалийриз яд тухуз кIанзава. Гьавиляй зи рушаз и кар ийиз алахъун заз лап важиблу тир», - ахъайна Сахгир Агьмеда.
Рушаз ганвай гаф кьилиз акъудиз, 37 йис хьанвай итимди жемятдин гьавиз ва хуьруьн мискIин эцигун патал 100 агъзур фунт стерлинг кIватIна.
ГьакIни ада Танзаниядин етим хьанвай аялриз парталар къачун патал 20 агъзур фунт стерлинг кIватIна, а парталар абуру и йисуз сувариз алукIдайвал, гьакIни вишералди аялриз ктабар ва недай затIар къачун патал.
«Ибурукай са карни зи хизандин, дустарин ва зи чкадин жемятдин куьмек галачиз хьун мумкин тушир. Абурун куьмекдалди завай зи рушан мурад кьилиз акъудиз жезва ва за абурукай гьар садаз чухсагъул лугьузва», - лагьана ада.
«Танзаниядин хуьрера зал гьалтай инсанриз са затIни авач, гьахьняй и гьерекатрин нетижада арадал атай дегишвилерихъ абур патал зурба метлеблувал ава».
«Гафаралди Сахгиран агалкьунрин кьадар лугьуз жедач, я тахьайтIа вичин руш гьуьрметдалди рикIел хуьн яз, дуьньяда виридалайни кесиб ва зайиф жемятрикай садаз куьмек гудайла ада къалурай кIанивал ва чан къурбанд ийиз гьазурвал къалуриз жедач», - лагьана Мугьаммад Ильяса, куьмекдин пулар кIватIдай тешкилатдин векилди.
Чпин мукьвабур гьуьрметдалди рикIел хуьз кIанзавай гзаф мусурманар патал четин вахтар руьгь хкаждай чешме хьун мумкин я. И кар гьамиша игьсанар – «садакьа жария» - гуналди авуртIа жеда.
Месела, вичин стха гьуьрметдалди рикIел хуьн патал, Британиядин Лидс шегьердай тир мусурман дишегьли Нушин Раджади эхиримжи цIуд йисуз вири дуьньяда 700 агъзурдалай гзаф инсанриз пулуналди куьмек гана.
