Бут Къазмайрал диндин мярекат
Бут Къазмайрал диндин мярекат
И мукьвара Мегьарамдхуьруьн райондин Бут Къазмайрин хуьруьн мискlинда «Ас-Салам» газетдиз талукьарнавай межлис кьиле фена. Мярекатда имамри, «Ас-Салам» газетдин векилри ва гьакl диндихъ рикl кузвай мусурманри иштиракна.
Мярекат Къуръандин аятар кlелуналди ачухна ва Мегьамармдхуьруьн райондин имам Сефиханов Алихана ам кьиле тухвана. Сифте гаф ада лезги «Ас-Салам» газетдин редактор Амаханов Гьасаназ гана. Редакторди газетдикай ва ам гьазурзавай къайдадикай ахъайна.
Гуьгъуьнлай Дагъустандин Огни шегьердин жуьмя мискlиндин имам Гьуьсейнов Нурудин рахана. Ада Ислам дин раиж авунин лайихлувиликай ва диндин рекье кlвалахзавай инсанриз жезвай сувабдикай насигьат авуна.
Адалай кьулухъ Дербент райондин Белиж хуьруьн имам Гьабибов Ризваназ гаф гана. Ада Аллагьдин ﷻ буйругъриз табий хьунин ва Адаз аси тахьунин важиблувиликай вяз гана.
Гьакlни инал Мегьарамдхуьруьн районда кlвалахзавай «Ас-Салам» газетдин векилриз чухсагъулдин чарар гана.
Насигьатрин арайра Мегьарамдхуьруьн райондин Билбилрин хуьруьн имам Абасов Ильяса гуьзел сесиналди мавлидар-нашидар кlелна.
Чи мухбир.
