Главная

«Къуръандин йиф»

«Къуръандин йиф»

И мукьвара Стlал-Сулейманан райондин Эминхуьре «Къуръандин йиф» лугьудай диндин межлис кьиле фена.

 

 

 

 

Мярекатда иштирак авун патал Эминхуьруьн мискlиндиз гзаф кьадар мусурманар атана. Межлисда Стlал-Сулейманан райондин кьилин имам Шамил Омарова, райондин диндиз эвер гунин хилен регьбер Шамил Рагьманова, Эминхуьруьн имам Сулейман Дженетова, Герейханован совхоздин имам Ариф Эминова, лезги «Ас-Салам» газетдин редактор Гьасан Амаханова ва масабуру иштиракна.

 

 

 

 

Мярекатдин багьа мугьман – Къуръандин гьафиз (ам хуралай чидайди), вичиз цlуд къираатдай (Къуръан кlелдай тегьер) изин авай йеменви Агьмад Ибрагьим Аз-Зубажи хьана. Гьафизди кlватl хьанвайбуруз гуьзел сесиналди Къуръан кlелна ва вичи кlелай гафариз баянарни гана. Адан гадади гуьзел нашидар-мавлидар лагьана. Гьакlни мярекатдал Къуръан чирунин, адал амал авунин важиблувиликай ва вахт ибадатдал машгъул яз серф авунин лайихлувилкай насигьатар авуна.

 

Чи мухбир

 

2026-08-01 (Сафар 1448 г.) №8.


Тlебии дарманар

Чи дарманар чи патарив гва. Чна фагьум тагуз, я тахьайтIа, абурукай хабар авачиз, чин тийиз гьикьван менфятлу шейэр гадарзава. Месела, къачун чна гьар хуьрек гьазурдайла ишлемишзавай чичIекар.   Хъуьруьшар гьиниз физва? Гьелбетда, гадарзава. Абуру простатит, аденома авайбуруз лап хъсан куьмекда....


Себеб хьана

Желил буба гьар нин кlвализ хьайитlани фидай кас тушир. Ам мукьувай чидай инсанри и кар тестикьардай. Гьар са хуьре адаз вич фидай кlвалер авалдай. Мегьарамдхуьре ихьтин кlвалерикай сад Къадиран гадайрикай тир Абас халудин кlвал тир.   Са сеферда чун (тахминан 1957-йис я), са десте жегьилар,...


СУАЛ-ЖАВАБ

КапI авурдалай кьулухъ бязибуру кьилелай гъил алтадзава ва са вуч ятIани кIелзава. Ам Шариатда авай кIвалах яни? Ферз тир капI авурдалай кьулухъ кьилин чIараривай гъил гвягъун Сунна (Пайгъамбардин ﷺ рехъ) я. Анас бин Малика лагьана: «КапI авурдалай кьулухъ Пайгъамбарди ﷺ гъил кьиливай...


Руш низ гъуьлуьз гуда?

Салафрин (Исламдин сифтегьан асирра яшамиш хьайи михьи несилар) девирда Нугь ибн Марьям лугьудай са кас яшамиш хьанай. Адахъ гзаф мал-девлет ва иер са руш авай. Ам це лугьуз тIвар-ван ва девлет авай ксар гзаф къвезвай. Амма адаз вичин руш низ гудатIа чизвачир.   А касдихъ емишдин тарарин еке...


Дастамаз къачудайла дуьаяр кlелун

Суал: Дуьз рекьелай алатнавай са бязибуру лугьузва хьи, дастамаз къачудайла (гъилер, кIвачер чуьхуьдайла) дуьаяр кIелун бид’а я, гьавиляй абур кIелдай ихтияр авач. И гафар дуьзбур яни?   Жаваб: Ваъ, дуьзбур туш. Дуьа гьина хьайитIани ва мус хьайитIани ийидай ихтияр ава, анжах...