Главная

Лезги халкьдин ифтIар

Лезги халкьдин ифтIар

И мукьвара Махачкъалада эцигзавай Мугьаммад Пайгъамбардин ﷺ тIварцIихъ галай мискIинда вири лезгийрин еке ифтIармежлис (сив хкудунин межлис) кьиле фена. Мярекатда Дагъустандин вири шегьеррайни районрай атанвай чи халкьдин векилри иштиракна. ГьакIни иниз Урусатдайни лезгияр мугьман хьана.

Диндин межлисдал РД-дин Муфтийдин куьмекчи Шамил Алиханов, РД-дин правительстводин регьбердин куьмекчи Заур Эминов, милли сиясатдин ва диндин кварай министр Энрик Муслимов, Халкьдин собранидин депутат Ильман Алипулатов, Сулейман-Стальский райондин Кьасумхуьруьн имам Шамил Омаров, РД-дин Муфтиятдин Кьиблепатнан Дагъустанда векил Гьусейн Гьажиев, тIвар-ван авай лезги спортсменар рахана.

Абуру Аллагьдиз шукур гъуникай, лезги халкь сад хьуникай, диндин межлисрикай авай хийирдикай, Рамазандин вацран зурбавиликай ва сивер хуьникай, Халикьдиз ибадат авуникай суьгьбетар авуна. ГьакIни мярекатдал кIватI хьайибурун арада чип вегьена ва ам акъатайбуруз жуьреба-жуьре пишкешар пайна. Виридалайни багьа пишкеш – умра. Нянин (гъетрен) кпIунин азан гайидалай кьулухъ вирида санал сивер хкудна, тIямлу тIуьнар дадмишна. Къуй Аллагьди кьабулрай ва чи халкь, вири мусурманар сад авурай!

2026-08-01 (Сафар 1448 г.) №8.


СУАЛ-ЖАВАБ

КапI авурдалай кьулухъ бязибуру кьилелай гъил алтадзава ва са вуч ятIани кIелзава. Ам Шариатда авай кIвалах яни? Ферз тир капI авурдалай кьулухъ кьилин чIараривай гъил гвягъун Сунна (Пайгъамбардин ﷺ рехъ) я. Анас бин Малика лагьана: «КапI авурдалай кьулухъ Пайгъамбарди ﷺ гъил кьиливай...


Дастамаз къачудайла дуьаяр кlелун

Суал: Дуьз рекьелай алатнавай са бязибуру лугьузва хьи, дастамаз къачудайла (гъилер, кIвачер чуьхуьдайла) дуьаяр кIелун бид’а я, гьавиляй абур кIелдай ихтияр авач. И гафар дуьзбур яни?   Жаваб: Ваъ, дуьзбур туш. Дуьа гьина хьайитIани ва мус хьайитIани ийидай ихтияр ава, анжах...


Руш низ гъуьлуьз гуда?

Салафрин (Исламдин сифтегьан асирра яшамиш хьайи михьи несилар) девирда Нугь ибн Марьям лугьудай са кас яшамиш хьанай. Адахъ гзаф мал-девлет ва иер са руш авай. Ам це лугьуз тIвар-ван ва девлет авай ксар гзаф къвезвай. Амма адаз вичин руш низ гудатIа чизвачир.   А касдихъ емишдин тарарин еке...


КапI тавун къиямат я!

Вилер ахъайиз кIанзавачир…генани къарагъна чин­гъил чуьхуьдай ашкъи авачир. «Бррр…яд къайиди я эхир!» ­ ФатIимадин и карни рикIел хтана ва ам генани яргъандик алчуд хъхьана.   «Къе гьяд югъ я. Мектебдизни физвайди туш, гьавиляй яргъалди ксайтIа...


Исламда мазгьабар гьикl арадал атана?

Са гьихьтин хьайитIани месэладин гьакъиндай къарар кьабулдайла, имамар сифтени-сифте Къуръанда адакай вуч лагьанватIа, гьаниз килигзава.   Эгер анай абуруз жаваб жагъун тавуртIа, абур гьадисриз килигзава. Эгер гьанайни жагъун тавуртIа, а месэладин гьакъиндай асгьабри сад авунвай гафуниз...