Санкт-Петербургда мавлид
Санкт-Петербургда мавлид
Санкт-Петербургда авай «Амарант» ресторанда лезги мавлид кьиле фена. Мярекат Санкт-Петербургдин Муфтийдин векил Малик Бабаева РД-дин Муфтиятдин векилрихъ галаз санал тешкилнавай.
Мавлид-межлис лезги «Ас-Салам» газетдин редактор Гьасан Амаханова ачухна ва сифте насигьатни ада авуна. Гуьгъуьнлай Мегьарамдхуьруьн райондин имамрин Советдин председатель Алихан Сефиханова вяз гана. ГьакIни инал Санкт-Петербургдин Муфтийдин векил Малик Бабаеваз, Санкт-Петербургда РД-дин представительстводин пресс-секретарь Низамидин Каинбековаз ва агъсакъал Левитан Алирзаеваз гаф гана. Сегьнедал экъечIайбур мавлидрин фазилатлувиликай, мусурманрин везифайрикай, лезгийрин адетрикай ва садвиликай рахана.
Къуй Аллагьди ﷻ кьабулрай и мавлид, авур дуьаяр, гайи садакьаяр!
