Главная

Пайгъамбардин ﷺ неве Кьасумхуьрел

Пайгъамбардин ﷺ неве Кьасумхуьрел

Пайгъамбардин ﷺ неве Кьасумхуьрел

6-сентябрдиз Стlал Сулейманан райондин Кьасумхуьруьн юкьвал Ислам диндин мярекат кьиле фена. Ам И.Г. Тlагьирован тlварцlихъ галай медениятдин кlвалин вилик квай майдандал тешкилнавай.

 

Межлис адет тирвал Къуръандин аятралди ачухна. Абур Мугьаммад Пайгъамбардин ﷺ неве, шейх Маъмун Шабан Халил ар-Равиди вичин ширин сесиналди кlелна. Маъмун Шабан Халил ар-Рави Къуръан кlелунин ва ам хуралай чирунин рекьяй вири дуьньядиз машгьур алим я. Адаз Къуръан кlелунин цlуд жуьре (къираат) чизва ва абур масабуруз чирдай изин ава. Ам Иракда дидедиз хьана, амма алай вахтунда ОАЭ-да яшамиш жезва. Маъмун ар-Рави ана авай са мискlиндин имам я.

Гьакlни Маъмун ар-Равиди Ислам диндиз эвер гунин фазилатлувиликай ва важиблувиликай насигьат авуна.

Гуьгъуьнлай межлисдал Кьиблепатан Дагъустанда РД-дин Муфтиятдин векил Рамазанов Къурбан рахана. Ада кlватl хьанвайбурувай Ислам дин раиж авунин карда имамриз ва диндин кlвалах кьиле тухузвай вири мусурманриз куьмек гун тlалабна.

Мад инал Дагъустандин Муфтиятдин председателдин куьмекчи Омаров Шамил, Дагъустандин Огни шегьердин са жуьмя мискlиндин имам Гьуьсейнов Нурудина ва Ахцегь районда РД-дин Муфтиятдин диндин эвер гунин хилен регьбер Ашуралиев Гьуснудина вязер гана.

Эхирдайни Стlал Сулейманан райондин имамрин Советдин председатель Рагьманов Шамил рахана.

Насигьатрин арайра Салигьов Заура ва Гьамидов Ислама мавлидар кlелна.

Къуй Аллагьди ﷻ кьабулрай и берекатлу межлис.

2026-08-01 (Сафар 1448 г.) №8.


Руш низ гъуьлуьз гуда?

Салафрин (Исламдин сифтегьан асирра яшамиш хьайи михьи несилар) девирда Нугь ибн Марьям лугьудай са кас яшамиш хьанай. Адахъ гзаф мал-девлет ва иер са руш авай. Ам це лугьуз тIвар-ван ва девлет авай ксар гзаф къвезвай. Амма адаз вичин руш низ гудатIа чизвачир.   А касдихъ емишдин тарарин еке...


Угъри Аллагьди ﷻ лянетламишзава

Газет кlелзвай играми стхаярни вахар, къе чун угъривиликай рахада. Ам Исламда къанни сад лагьай чlехи гунагь я. Угъри инсанриз ва Аллагьдиз ﷻ такlан кас я, ам халкьдин виляй аватзава ва Шариатдини адаз пис жаза гузва, гьавиляй мусурманар а гунагьдивай яргъа хьун лазим я.   Ислам динди...


Себеб хьана

Желил буба гьар нин кlвализ хьайитlани фидай кас тушир. Ам мукьувай чидай инсанри и кар тестикьардай. Гьар са хуьре адаз вич фидай кlвалер авалдай. Мегьарамдхуьре ихьтин кlвалерикай сад Къадиран гадайрикай тир Абас халудин кlвал тир.   Са сеферда чун (тахминан 1957-йис я), са десте жегьилар,...


КапI тавун къиямат я!

Вилер ахъайиз кIанзавачир…генани къарагъна чин­гъил чуьхуьдай ашкъи авачир. «Бррр…яд къайиди я эхир!» ­ ФатIимадин и карни рикIел хтана ва ам генани яргъандик алчуд хъхьана.   «Къе гьяд югъ я. Мектебдизни физвайди туш, гьавиляй яргъалди ксайтIа...


Тlебии дарманар

Чи дарманар чи патарив гва. Чна фагьум тагуз, я тахьайтIа, абурукай хабар авачиз, чин тийиз гьикьван менфятлу шейэр гадарзава. Месела, къачун чна гьар хуьрек гьазурдайла ишлемишзавай чичIекар.   Хъуьруьшар гьиниз физва? Гьелбетда, гадарзава. Абуру простатит, аденома авайбуруз лап хъсан куьмекда....