Къурбандин сувар мубаракрай!
Ассаламу алайкум ва рагьматуллагьи ва баракатугь.
Играми стхаяр ва вахар! За квез алукьнавай Къурбандин сувар рикIин сидкьидай мубаракзава. И шад йикъа чи рикIел Ибрагьим пайгъамбардин еке дережадин чешне, адан Аллагьдиз ﷻ авай рикIин сидкьидай тир вафалувал, михьи ниятар ва Раббидин ﷻ разивал патал виридалайни багьа затI къурбанд ийиз гьазур хьун хкизва.
Къурбандин сувари чаз рикIер такабурвиликай ва пехилвиликай михьи ийиз, стхавал мягькемариз, регьим ийиз ва муьгьтежбурун къайгъу чIугваз эвер гузва. И экуь йикъара мукьва-кьилийриз фикир гун, сада-садаз куьмек ва шадвал гун иллаки важиблу я.
И йисуз гьаждиз фидай мумкинвал ганвайбурун патахъай чна шадвал ийизва. Къуй Аллагьди ﷻ абурун ибадат кьабулрай, гунагьрилай гъил къачурай ва саламат яз элкъвена кIалериз хкурай.
КьетIен дуьаяр чна и йикъара чпин хизанривай яргъа, СВО-да чпин буржи тамамарзавайбурун патахъайни ийизва. Къуй Аллагьди ﷻ абур хуьрай, къуват, сабур гурай ва сагъ-саламатдиз кIвалериз хкурай.
Къуй и сувари гьар са кIвализ ислягьвал, чимивал ва сагъ-саламатвал гъурай, иман мягькемаррай ва рикIер разивиляй ацIуррай.
За Аллагь Тааладивай чи къурбандар, дуьаяр ва хъсан крар кьабулун, азарлубур сагъар хъувун, муьгьтежбуруз кьезилвал ва вири инсанриз ислягьвал гун тIалабзава.
