Къурбандин сувар мубаракрай!
Играми стхаяр ва вахар, Россиядин мусурманар! Квез рикIин сидкьидай Ид аль-Адгьа (Къурбандин сувар) мубаракрай!
И еке метлеб авай юкъуз, къурбанд себеб яз Аллагь Таалади чаз гузвай важиблу тарсар чна рикIел хкизва. Им чакай гьар садаз Халикьдихъ ﷻ авай чи вафалувал ва кIанивал къалурдай, гьакIни мукьвабурун къайгъуда жедай мумкинвал авай югъ я.
Къурбандин сувари чи рикIел Къудратлу Халикь рази хьун патал къурбанд авунин ва а карда жуван вири къуватар эцигунин гьайбатлувал рикIел хкизва. И юкъуз чи куьмекдихъ муьгьтежбурухъ галаз чна шадвал пайзава, мукьвабурун, дустарин патав физва, Аллагьди ﷻ чи къурбандар ва вири хъсан крар кьабулдайвал дуьаяр ийизва.
Аллагь Таалади Пак Къуръанда чи рикIел хкизва (баяндин мана): «Квез са чIавузни диндарвал (ва Халикьдин разивал) жагъидач, та квез кIанзавайдакай (мал-девлетдикай) Адан рекье харж ийидалди. Куьне гьикьван харж авуртIани, Раббидиз адакай чизва (ва квез вири эвез хъийида)» («Али Имран» сура, 92-аят). Къуй и гафари чак руьгь кутурай, иллаки и суварин юкъуз, хъсан крар ийидайвал ва патав гвайбуруз, иллаки уьмуьрда четинвал ва игьтияжвал авайбуруз фикир гудайвал.
Агъзурралди чи стхаяр ва вахар и кьил а кьил авачир чи Ватандай Меккадинни Мединадин пак чилерал фенва, Исламдин важиблу дестекрикай сад – гьаж кьиле тухун патал. Чна дуьаяр ийизва, Аллагьди ﷻ абурун гьаж кьабулдайвал, абуруз къуват гудайвал ва гьар са хъсан кардай эвез хъийидайвал. Къуй абурун дуьаяр ва къурбандар кьабулрай, абурун рикIер имандай ва разивиляй ацIурай ва абур сагъ-саламатдиз кьабулнавай гьаж гваз кIвализ чпин хизанрин патав хтурай.
И пак юкъуз чна гьакIни Аллагьдивай ﷻ чи уьлкведа ва вири дуьньяда ислягьвал ва садвал хьун тIалабзава. Къуй Аллагь Тааладин разивал ва регьим вири иман гъанвайбурухъ галаз хьурай, вири бедбахтвилерикай ва еке къалабулухрикай хуьрай.
Играми стхаяр ва вахар! За Аллагьдивай ﷻ тIалабзава чи вири дуьаяр, къурбандар ва садакьаяр кьабулдайвал! Амин!
Къурбандин сувар мубаракрай!
