Гьекьедин ни

И месэлади чак чIехи пай чими вахтунда къалабулух кутазватIани, амма адан важиблувал садрани квахьзавач. Ша чун и къулайсузвилел гуж акакьуниз куьмек гудай халкьдин дарманрихъ галаз таниш жен. Вучиз халкьдин дарманар, дезодорантар ишлемиш тавуна? Вучиз лагьайтIа, сад лагьайди, дезодорироватзавай затIар мукьвал-муккьвал ишлемишун сагъламвилиз хаталу я; кьвед лагьайди, и месэладик бязи дезодорантрин гуж акакьзавач.

Сад лагьай дарман – мегъуьн чкалар ргай экьи яд я. Нагагь ам вахт акадар тийиз ишлемишиз хьайитIа, гьекь акъатун тIимил жеда, хамунин гьекь акъатдай тIеквер гуьтIуь жеда ва нагьакьан ни квахьда. 200 мл ргай циз са чIехи тIуруна авай куьлуь авунвай мегъуьн чкалар вегьеда ва демда твада. Ахпа гьасятда хкудай лимондин миже алава хъийида.

Ибур вири акадарда, ахпа хьайи экьи целди йикъа са сеферда хьайитIани михьи ва кьурай хъуьчIуьвай гуьцIда. Кьвед лагьай дарман – чуьлдин хвощдин ва верхи тарцин пешер. Кьвекьве тIур кьурурнавай хвощ ва верхи пешер акадарда ва адаз 500 мл ргай яд цана зайиф цIал вад декьикьада тада. Хьайи экьи яд гьекь жезвай михьи ва кьурай чкайрив гуьцIда.

ЮЛИЯ ЗАЧЁСОВА