Суалар чи патай, жавабар – куь!

Суалар чи патай, жавабар – куь!

Алатай нумрадин суал ихьтинди тир: «Куь фикирдалди дуьньяда ва гьакIни чи халкьдин арада начагъвилер раиж хьунихъ гьихьтин себебар ава? Абурун вилик пад кьун патал гьихьтин серенжемар кьабулун лазим я?»

8928 638 88 ..

Вири сифтени-сифте Аллагьдин кьадарар я, Ада гайидал рази хьана кIанда. Начагъвилер гунагьар себеб яз къвезва. Жува незвай затIариз фикир гун лазим я. Шекер гзаф тIуьна кIандач. Виликдай тIебии затIар недай тир, гила лагьайтIа, вири туьквендай маса къачузва. Гъуьрни кваз зарар гудайди хьанва.

8967 938 82 ..

Дуьньядин эхир мукьув хьунин лишанрикай сад – азарар раиж хьун я. Пайгъамбардин r Суннадалди жув сагъарун, сагъдиз хуьн герек я.

8989 745 81 ..

Незвайдалай аслу я. «Химия» тIуьна кIандач.

8989 897 17 ..

Вири Аллагьдин кьадардалди жезва, шак авач. Начагъвилер инсандиз ракъурзавай жаза ва я имтигьан я. Нахуш хьайида сабур авун ва Аллагьдивай вичиз сагъламвал тIалабун лазим я. И кIвалахни анжах рикIе иман авай, диндал алай инсанривай ийиз жеда.

8964 011 78 ..

Инсанри михьивал хуьзвач, тIебиатни чиркинарнава. Жуван беден кIеви ийиз, спортдал машгъул жез алахъна кIанда.

8928 059 50 ..

Зи фикирдалди цIийи азарар бязи залумри чпин гъилералди арадал гъизва. Абурукай жув хуьн патал Мугьаммад Пайгъамабардин медицина ишлемишун чарасуз я.

8988 789 58 ..

Гунагьар себеб яз арадал къвезва. Гьикьван чун Аллагьдиз муьтIуьгъ хьайитIа, гьакьван чахъ сагъламвални жеда. Къадагъа алай амалар авун кутугнавач. Гунагьар гзаф хьунивай начагъвилерни гзаф жезва.

8989 875 00 ..

Еке гунагьар, мисал яз, ичкибазвал, ашервал, бейгьушарзавай затIар ишлемишун пайда хьайила, халкьдин арада икьван чIавалди ван тахьай азарар раиж жезва. ГьакIни бязибуру чпиз пул къазанмишун патал начагъвилер раиж авун мумкин я.

8928 672 48 ..

ЦIийи азарар арадал атунин себеб – михьивал хуьн тавун я. ТIуьниз ишлемишзавай затIарилайни гзаф аслу я.

8928 593 02 ..

Инсанри кьадардилай артух незва.

8963 423 70 ..

Дуьньяда, зи фикирдалди, жуьреба-жуьре цIийи азарри кьил хкажунихъ себебар садни-кьвед авач. Мисал яз, инсаниятди тIебиат кьацIурун, сагъламвилиз зарар авай тежрибаяр тухун… Дин фикирда кьуна лагьайтIа, гьар са азар – Аллагьди ракъурзавай имтигьан я. Чун а имтигьанрай регьятдиз экъечIиз жедай мусурманрикай хьурай!

8988 227 14 ..

Сагъламвилин къадир чир хьун патал Халикьди начагъвилерни халкь авунва. Амма инсанрин писвиляй, гьаясузвиляй лап чIуру азарарни арадал къвезва.

И нумрадин суал: «Куьне гьикI фикирзава, «салафизм» вуч я? Салафитар вужар я?» ТIалабда куь жавабар агъадихъ галай нумрадиз ракъурун: 8988 2000 427