Суалар чи патай, жавабар – куь!

Алатай нумрадин суал ихьтинди тир: «Ислам диндихъ галаз алакъалу са суал арадал атайла, куьн жаваб чириз алахъзавани? Куьне ам гьинай чирзава?»

8989 897 17 ..

Эхь, зун алахъзава чириз. За жаваб алимривай, имамривай ва гьакIни интернетдай, анжах ихтибар гъиз жедай, алимри меслят къалурнавай, чи Дагъустандин гуьзчивилик квай интернет сайтрай чирзава. Месела, «Исламдаг. ру», «Ислам.ру». Гьелбетда, «АсСалам» газетдайни за гзаф чирвилер къачузва.

8963 423 70 ..

Диндин рекье чин тийидай са затI арадал атайла, за ам алимривай хабар кьазва.

8988 786 18 ..

Вири чирвилер за «Ас-Салам» газетдай къачузва. Ам виридалайни дуьз ва гьакъикъи чирвилер авай газет я.

8988 273 41 ..

Суал арадал атайла, за ам диндин рекьяй кIелнавай стхайривай чирзава. Эгер ахьтин мумкинвал авачтIа, дуьз сайтрай жаваб жагъурзава.

8964 006 55 ..

Суалар за диндин чирвилер авай имамривай жузазва.

8964 008 87 ..

Зун шариатдин ктабриз килигзава, эгер ктабрай жаваб жагъун тавуртIа, залай хъсандиз чидай имамривай, яни зи муаллимривай хабар кьазва.

8928 807 72 ..

За жуван гъуьлуьвай вири хабар кьазва, ам чирвилер авай имам я.

8928 679 19 ..

За ктабрайни «Ас-Салам» газетдай жуваз дин чирзава.

8928 580 00 ..

Имамривай, Исламдин газетрай ва ктабрай.

И нумрадин суал: «Играми лезгияр, куьн маса миллетрихъ (Дагъустанда, Урусатда, дуьньяда авай) галаз гьикI кьазва? Абурал дуьшуьш хьайила, куьне са гьихьтин ятIани инжиклувал гьиссзавани, тахьайтIа алакъа хуьн патал квез лезги хьанай, масад хьанай тавават авачни?» ТIалабда куь жавабар агъадихъ галай нумрадиз ракъурун: 8988 2000 427

2026-09-01 (Рабиул аввал 1448 г.) №9.

Пайгъамбардин ﷺ гьадисда лугьузва: «Женнетда инсан Аллагь ﷻ рикIел алачиз акъудай нефесдилай ва хийирлу, хъсан кар тавунилай гъейри сефилардай са затIни жедач». Имам аль-Гъазалиди кхьизва: «Инсандин гьар са нефес – им багьа гевгьер я, вичиз къимет авачир. Эгер ам ахъаяйтIа,...

1-сентябрдиз светский мектебра ва вузра хьиз, диндин медресайрани кIелунин йис башламиш хьанва. Чаз гьар садаз светский илимдин важиблувиликай хабар ава, гьакI хьайила чун светский вузриз гьахьиз чалишмиш жезва. Светский чирвилер дармандиз ухшар ава, абур азардиз килигна ишлемишна кIанда. Исламдин...

Эвел алатай нумрада 21. Абур Раббиди шадарда Вичин регьимдалди ва разивилелди, ва (Женнетдин) багълара гьамишалугъ няметар гуналди. Абур ана гьамишалугъ амукьда. Гьакъикъатда, Аллагьдин ﷻ пишкеш (суваб) зурбади я. Эй, иман гъанвайбур! Куьне куь бубаяр ва стхаяр куьмекчияр (кlанибур) яз...

Рабиа ва Абу Бакр Рабиа аль-Аслямиди ахъайзава: «Зи ва Абу Бакран арада къайи рахунар хьана ва ада заз зи кефи хадай гафар лагьана. Абу Бакр тадиз вичи лагьай гафарал пашман хьана ва заз лагьана: «Я Рабиа, вунани заз гьахьтин гафар лагь, ам ви патай заз кьисас...

Мавлид – им хайи вахт, чка лагьай чIал я. Мавлид – Мугьаммад Пайгъамбардин ﷺ уьмуьрдикай, гьар са вакъиада ада вичи-вич тухвай къайдайрикай, адан къилихрикай ахъайзавай, адалай тарифар ийизвай мярекат я. Алай девирдин алимрикай тир Сайид Мугьаммад Алави аль-Малики аль-Гьасаниди лагьана:...