Суалар чи патай, жавабар – куь!

Алатай нумрадин суал ихьтинди тир: «Играми лезгияр, куьн маса миллетрихъ (Дагъустанда, Урусатда, дуьньяда авай) галаз гьикI кьазва? Абурал дуьшуьш хьайила, куьне са гьихьтин ятIани инжиклувал гьиссзавани, тахьайтIа алакъа хуьн патал квез лезги хьанай, масад хьанай тафават авачни?»

8963 372 06 ..

Лап хъсан кьазва, за миллетрин арада тафават твазвач.

8962 086 77 ..

За гьич са четинвални гьиссзавач. Гьар са миллетдик хъсан ва пис инсанар ква, гьавиляй инсанрилай чпелай гзаф крар аслу я, миллетрилай ваъ.

8963 791 57 ..

Дагъустандин Муфтиятдиз чухсагъул! Дин себеб яз зи рикIяй миллетчивал акъатна ва гила зун жувал дуьшуьш хьайи вири ксарихъ галаз хъсан алакъайра гьатзава.

8926 336 91 ..

Гьич са четинвални авач.

8982 599 09 ..

Четинвилер авач. Гьар са инсандихъ галаз алакъа хуьдай къайда ава, миллетдиз за гьич фикир гузвач.

8928 672 48 ..

Заз Дагъустанда ва я маса уьлквейра гьич садрани маса миллетрин векилрихъ галаз рахун, абурухъ галаз санал са кIвалах авун четин хьайи туш. Инсанвилин къайдаяр хуьзвай ксар чеб-чпин гъавурда акьада, миллетдилай аслу тушиз.

8963 373 47 ..

Заз вири миллетрихъ галаз ихтилатар ийиз регьят я. Амма жуван чIалал рахазвайбурухъ галаз дуствал хуьз мадни регьят я.

8989 478 15 ..

8989 478 15 .. Инсандихъ галаз вун кьада, эгер куь фикирар сад хьтинбур ятIа.

8989 875 00 ..

Пис миллетар авач, авайди пис инсанар я. Гьавиляй дуьз инсанрихъ галаз дуст хьухь!

8963 423 70 ..

Маса миллетрин векилрикай заз пара дустар ава. Чун саки вири крара сад-садан гъавурда акьазва. Дуствилин, стхавилин, кIанивилин… алакъаяр хуьдайла, зун патал инсан гьи миллетдин векил ятIа важиблу туш. Кьилинди – гъавурда акьадай, намус гвай инсан хьун я.

И нумрадин суал: «Куь фикирдалди дуьньяда ва гьакIни чи халкьдин арада начагъвилер раиж хьунихъ гьихьтин себебар ава? Абурун вилик пад кьун патал гьихьтин серенжемар кьабулун лазим я?» ТIалабда куь жавабар агъадихъ галай нумрадиз ракъурун: 8988 2000 427