Главная

ФатIима ва пакаман капI

ФатIима ва пакаман капI

Гьар йикъан экуьнахъ дидеди ФатIима пакаман капI ийидайвал ахварай авудзавай. Анжах адаз къарагъиз кIан жезвачир. ФатIимадиз чими месик ксуз кIандай. Адаз къайи целди дастамаз къачуз хуш тушир.

 

«Вуч ийизва кьван: къарагъ, гъилер чуьхуьн къачу, капI ая… Месик гьикьван хъсанзава», - фикирзавай ФатIимади. Амма диде а кардал рази тушир. Ада ФатIима ахварай авудзавай ва дастамаз къачуз ракъурзавай. Ахпа абур кьведни санал кпIунив эгечIзавай. Пакаман капI ийиз мискIиндиз фейи буба рагъ экъечIдалди кIвализ хквезвай. Гьа икI, са юкъуз кIвализ хтай бубади дидедивай хабар кьуна: «ФатIимади пакаман капI авунани?» «Авуна, анжах ашкъи авачиз, кIанз-такIанз», - жаваб гана дидеди. «Ам вуч лагьай чIал я!?» - сес хкажна лагьана бубади. Гьасятда ада рушаз вичин кьилив эверна, хъуьтуьлдиз ам вичин метIерал ацукьарна, чан-рикI авуна лагьана: «ФатIима, я чан руш, ваз Аллагь Тааладихъ галаз рахаз кIанзавачни?»

 - Чавай Адахъ галаз рахаз жезвани кьван? – тажуб хьана ФатIима.

 - Бес ваз а кардикай хабар авачирни?

 - Ваъ!

 - Чна ийизвай капI Аллагь Тааладихъ галаз ийизвай ихтилат я. Адаз чна кпIунал кIелзавай гафарин, дуьайрин ван къвезва. КпIунин вахт алукьайла, Аллагь ﷻ Вичин лукIар кпIунал акъвазна, Вичихъ галаз мус суьгьбет башламишдатIа лугьуз, вил алаз жезва. Им АллагьТаала чи кпIарихъ, дуьайрихъ муьгьтеж я лагьай чIал туш. Адаз Вичин лукIар гьа къайда кIани я, гьавиляй Ада абур гуьзетзава.

- Заз а кардикай хабар авачир, - лагьана ФатIимади. – АкI хьайила, гьар гъилера заз кпIунал акъвазиз кагьул жедайла, Аллагь Таала зал вил алаз акъваззавайни?! ФатIимадиз вичи авур крарин гьакъиндай регъуь хьана. Гьатта адан вилерай накъвар авахьна. Пакад йикъан экуьнахъ ам виридалайни фад къарагъна. Бубани гьеле ахварал аламай. Гила адаз дастамаз къачузвай ядни акьван къайиди хьиз аквазмачир. ФатIимадиз гьерекатна кпIунив эгечIиз кIанзавай. Ада гьатта вичин дидедик гьерекат кутазвай. Дидени гьазур хьайила, абур кьведни капI ийиз халичадал акъвазна ва дидеди «Аллагьу акбар» лагьайла, ФатIимадини а гафар тикрар хъувуна, Аллагь Тааладихъ галаз ихтилат башламишна…

2026-09-01 (Рабиул аввал 1448 г.) №9.


Мусурманди йикъан къене авуна кIанзавай крар

Пайгъамбардин ﷺ гьадисда лугьузва: «Женнетда инсан Аллагь ﷻ рикIел алачиз акъудай нефесдилай ва хийирлу, хъсан кар тавунилай гъейри сефилардай са затIни жедач». Имам аль-Гъазалиди кхьизва: «Инсандин гьар са нефес – им багьа гевгьер я, вичиз къимет авачир. Эгер ам ахъаяйтIа,...


Пак гьадисрай къачунвай насигьатар

1.       Аллагь Таалади лугьузва: «Эй, инсанар! Куьн и куьтягь жезвай, фана дуьньяда яшамиш хьун патал гьикьван чалишмиш жезва, квез гьикьван и куьруь уьмуьр кIанда? Гьакъикъатда, муьтIуьгъбуруз Женнет тайинарнава, абур гьаниз Адан муьжуьд къапудай фида....


КIвалах гъиляй акъатна кIанзавач

За кьилдин касдин клиникада медсестра яз кIвалахзава. ЧIехиди дегиш жедалди вири хъсанзавай. Гила чи хиве цIийи везифаяр хутазва, абурай пул гузвач, гьамиша себебсуз тахсирар кутаз алахъзава. КIвалах бегенмиш я, экъечIиз кIанзавач, амма ихьтин рафтарвални эхиз кIанзавач. За вуч...


Сура ат-Тауба (гъил къачун тlалабун)

Эвел алатай нумрада   21. Абур Раббиди шадарда Вичин регьимдалди ва разивилелди, ва (Женнетдин) багълара гьамишалугъ няметар гуналди.   Абур ана гьамишалугъ амукьда. Гьакъикъатда, Аллагьдин ﷻ пишкеш (суваб) зурбади я. Эй, иман гъанвайбур! Куьне куь бубаяр ва стхаяр куьмекчияр (кlанибур) яз...


ФатIимани цегв

Ажаиб я, ам гьикI хкечI хъувуна. Ам гьикI хьана адавай? ФатIимади цекврел къум вегьезвай, анжах ам гьар гъилера къумадикай хкечI хъийизвай. Ада гьа и кар са шумуд сеферда тикрар хъувуна, амма цегв гьикI хьайитIани винел акъатзавай.   «Ам гьикьван кьегьалди ва къуватлуди ятIа килиг...