Камаллу меслятар
Камаллу меслятар
Зи играми аялар! Квехъ бадеярни чIехи бубаяр ава. Са рахунни алачиз, квез абур гзаф кIанда. Минет хьуй, абурун са шумуд веси рикIел хуьх. ЧIехи бубайри ва бадейри куь бубаярни дидеяр тербия гуз чIехи авуна.
Яшлувилиз ва кьуьзуьвилиз килигна, гила абурухъ кIвалах ийидай бес кьадар къуват амач. Абуруз кIанивал авун, тIалабунар, гереквилер кьилиз акъудун рухвайрин, рушарин, хтулрин пак буржи я. Ша чаз чи чIехи бубаярни бадеяр рикIин сидкьидивди кIан жен. Жуван кутуг тавур амалралди абурун рикIер тIар тийидайвал ая. Абурун тIалабунар ва мурадар кьилиз акъуд. Жегьил чIавуз абуру куьн патал, квекай хъсан инсанар хьун патал зегьмет чIугуна. Гила чна, абурухъ рикI кана, жуван хвавилин буржи кьилиз акъудна кIанда. И гафар гьахълубур яни, чан балаяр? Ша чун яшлу инсанрин, жуван диде-бубадин тарифриз лайихлубур жен. «Куьн вуч хъсан, дугъри, тербиялу аялар тушни!». И гафар абурувай гьар-гьамиша ван хьун патал рикIивай зегьмет чIугу.
