Фитне авун къадагъа тирдакай
Аллагь Таалади лагьана: «Ва муьтIуьгъ жемир гьар са мукьвал-мукьвал кьин кьазвайдаз, алчахдиз, масадакай пис рахадайдаз ва фитнекардиз…» («Калам», 10-11).
1. Хузайфади агакьарайвал, Аллагьдин Расулди ﷺ лагьана: «Фитнечи Женнетдиз фидач» (Аль-Бухари, Муслим).
2. Ибн Аббаса агакьарайвал, са сеферда кьве сурун патавай физвай Аллагьдин Расулди ﷺ лагьана: «Гьакъикъатда, ибуруз (яни сурара авайбуруз) азабар гузва ва абуруз чIехи гунайрай туш азабар гузвайди, амма ятIани гьар садан гунагь заланди я: абурукай садаз талукь яз лагьайтIа, ада фитнеяр ийизвай, муькуьдаз талукь яз лагьайтIа, ада вичин цварадикай вич кIевзавачир (им лагьай чIал я хьи, я ада вичин бедендихъ ва парталрихъ галукьай цварадикай вич михьзавачир, я тахьайтIа инсанриз аквадай чкадал вичин тIебии игьтияжар бегьемариз адаз регъуьзвачир) (Аль-Бухари, Муслим).
Алимри лугьузва: «…ва абуруз чIехи гунагьрай туш азабар гузвайди…» гафарин мана ам я хьи, а гунагь гьа инсанриз чIехиди яз аквазвачир.
