ЖумягI бархIила суннатуни

ЖумягI бархIила суннатуни

ЖумягI бархIи бегIлара гIяхIси бархIилизи халбируси саби

1. ЖумягI бархIи – дебали баракатла бархIи саби лебил бусурмантас.
2. ЖумягI бархIила хIурмат бирес ва ил сабаахъес хIерли дирес гIягIниси саби.
3. ЖумягI бархIиличи хIядур-диирая:

суннат хIясибли кьаркьа умудеш барая;

умути палтар чегьая;

сивак пайдалабарая;

никуби кьицIдарая;

миски(духи)пайдаладарая;

кьаркьайчирти гъез урасая.

4. Палтар цIубаби диалли гIяхIси саби.
5. Мурул адамти мижитла жявли букьни.
6. ВягIзала замана гъайма-дикIудая, телефонти дишахъеная.
7. ЖумягI бархIи имцIали салаватуни дучIеная. Идбаг ﷺ викIар: «ЖумягI бархIи набчи дахъал салаватуни дирения. Иларти малаикунани илди набчи диахъу».

Малаикунани салават белчIун-тала уми ахъили бурути саби Идбагла ﷺ гьалаб.

8. Илкьяйдали ил бархIи сура «Кахф» бучIес гIягIниси саби. Ил барахIелли, нушала арбякьунси жумягI бархIиличирад дарибти диштIати бунагьуни урисути сари ва гIергъиси жумягI бархIи сабаайчи нур ва баракат лугуси саби.
9. ЖумягI бархIи Аллагьлизи ﷻ сецад дигара балга- дугIяличил дугьаизес вируси сай, хаслира гIасрла (дакьала) ва магърибла (маркIачIила) ургаб.
10. Илкьяйдали Аллагьличи ﷻ дугьадизес дирудая кIелра вягIзала ургар. Имамли ца вягIза белчIи багьлабарибхIели, цархIил белчIес вехIихьайчи пикрумазиб къантIси дугIя бируси саби, сенкIун илхIели ил Аллагьли ﷻ кьабулбирули саби.

Ш. МяхIяммадов