Излуми сагъдирнилис сабаб

Идбагли ﷺ буриб ЖабрагIилли бурибси: ХIебла бегI гьаларти заб дучили, сарира къукъу-лямцI бикIули дарибти, илдачи 70-йна «Кьульгу»,70-йна «КьульагIузу», 70-йна «Аят-уль-Курси» делчIи, гъудурдарили 7 бархIи савлира бархIехъра держалли ил адамла кьаркьайзирти излуми сагъдирар.

Чили гьаман «АльхIям ФатихIя» бучIаллира, ил тамашавирар сунела мурадуни детурхниличи. «АльхIям»-ла лерилра аятуни декIардарили ца-цали делкIи шичил дирцили зягIипсилис держахъес дедалли ил сагъвирар, сунела гIямрула сягIятуни керхурли хIедиалли.

Изусини 3 бархIи 100-на бучIули «Бисмиллагьи ррахIмани ррахIим» викIалли ил адам сагъирар.

МухIяммад Идбагли ﷺ сунела рурси ФатIимала дурхIя ХIясан чучи 40-йна «АльхIям» белчIунти шичил вирцили сагъвариб. Илкьяйда бирахIелли иншааЛлагь нушара сагъдирехIе.

Изайс кункдешбиру

Изусила бекIличи някъра кабуцили 120-йна «Я Саламу» алли, сунени бакьесли, иншааЛлагь гьамаддеш биру.

Нуша се хIяйчир диахIеллира Аллагьлис ﷻ шукру бирес чебси саби. Лерти сари шукрула кIел ракагIятла дехIибала. Нигет: «Нуни кьасбирулра шукрула суннатла кIел ракагIятла дехIибала дарес Аллагь ﷻ багьандан. Аллагьу акбар». ДехIибайс гIергъиси дугIялизиб Аллагьлис ﷻ шукру – баркаллагь балахъа, уркIецIибарни тиладибиру.

МухIяммад ХIяжиев