Имам Абу ХIамид аль–Гъазали

Адабуни

Кьуръайчи руркъуси мугIяллимла адабуни

– Пикричевсили ва чIумали кайзурсили виэс

– МутагIяллимтала бучIниличи лехIирхъес

– Аргъес багьандан, лехIкахъес

– Аллагьла ﷻ уркIецIиличи хьуликIес

– Мешути хIурпри дурниличи пикри бяхIчииэс

– Кьуръан бучIухIели, тIашизурси мер чебаахъес

– БучIни тIашиухIели, ил даимбирнила тяхIурти иргъахъес

– ЛугIурбачи бурсибирес

– Лебил Кьуръан бучIнила (хатм) гIяхIдеш аргъахъес ва лебил белчIи гIергъи се барес гIягIнисил бурсибарес

– Кьуръан бучIес бара бехIбихьибтала иргъес ва илдачил ряхIятли ва паргъатли вирес

– МутагIяллим дурсрачи хIешули виалли, мурталра сабабличила хьарбиэс

– Ил мутагIяллим дусрачи вакIибхIели, учIниличи иштяхI алкIахъес

– Камли гъайикIес

– БучIантази дехIибайчир дучIути яра имамти бетаурхIели дучIес гIягIнити сураби ва аятуни руркъяхъес.

Кьуръан руркъуси мутагIяллимла адабуни

– НасихIятчила гьалав гапхIейкIес, гIяхIти къиликъуначил виэс

– МугIяллимли буруси аргъесли, пикричевсили виэс

– БекI гьаладяхI гIяшбирес

– Кьуръан бучIес гьалаб насихIятчизи хьарбиэс

– ГIур «агIузу – бисмиллагь» ирес

– БучIуси таманбарили, дугIя бирес.