Имам Абу ХIамид аль - Гъазали

Хурег букнила адабуни

- Хурег беркес гьалаб ва берки гIергъи някъби ицес

- "БисмиЛлагь" ирес

- Беркеси вегIла гьалаб балуй някъли букес

- ДиштIати кесекуни дашахъули укес

- Беркеси кьяраэс гьалаб гIяхIил чIямбирес

- Стол алав кабиибтала дяхIличи хIерхIейкIес

- ГIянайчи хъарихьили хурегли укхIевкес

- Хурегли велкъайчи хIевкес (эгер гIяхIяйчил яра мискинсиличил букули биалли, хурег илдачил букес чебиркур илди урузхIекIахъес багьандан)

- Кьямла дайлавад ахIи дублавад укес

- Аллагьлис ﷻ деза бирес

- Адамтала букес иштяхI калахъес багьандан кьумур алав бебкIаличила ва цархIилтира тIягIямагарти ихтилатунази ихъес асухIебирар.

Шин дужнила адабуни

- Шин держес гьалаб шинничи хIеръили "БисмиЛлагь" эс

- Держили гIергъи Аллагьлис ﷻ деза бурес

- Шин дужути сари хупIикIули. Лерил цагьакIли дужес асухIебирар

- Дужес гIягIниси саби шин хIябал бутIаличи дутIили - хIябал хIупIли

- Гьар хупIлис гьалаб буруси саби "БисмиЛлагь" ва гьар хупIлис гIергъи "АльхIямдулиЛлагь"

- ТIашли шин хIедужес

- Мякьлаб адамти лебли биалли, балуй шавчив тIашсиличивад вехIихьили шин гьадуцес.

2026-08-01 (Сафар 1448 д.) №8.

Нушала улкали гIергъити дусмазир хъалибарг мяхIкамбарес ва гIеббуцес багьандан дурадуркIути сагадешуни дебали дигести сари. Бахъал дурхIначилти халибаргунас дедлугути арц, пособиеби, нешдешла капитал ва цархIилтира кункдешуни лер. ГIергъиси манзил нушала улкализир 31 хIукму кьабулдарили сари...

Дархьли, дурусли, чедетаахъили, кьабулдаресли дарибти дехIибайс Аллагьли ﷻ гIеббиахъуси халаси ужраличила бурути дахъал хIядисуни лерти сари. Илди гьаладирхьулра: «МухIяммадлира ﷺ илала умматлира дарибти савлила дехIиба 2 ракагIят багьандан ил бархIилара ил дугилара бунагьуначивад...

Муртрил сахаватси ва бузери дигуси хъубзара адам хIерирули уили сай. Илала азгъинти ва кьиркьирти дурхIни буили саби. ВебкIес гьалаб хъубзарли дурхIни сунечи жибарили сай ва пулан мерличибси хъуличиб кур буркъадалли, хазна бургидая или бурили сай. Хъубзара вебкIибмад, илала дурхIни ургубализи...

УчIанничи кагъар Урши, насихIят бурес гьамадси саби, амма ил кьабулбарес къиянбулхъан, сенахIенну ил кьутIкьусин кабилзан сунела хьуланас гьуни бедлугусилис, уркIилис къадагъаласи дигухIели. Хаслира багьуди касили хьалли нафслис гIелавад вашуси ва дунъялизи вархибси. Илала пикри хIясибли,...

(бехIбихьуд 5,6 – ибил номертазиб) ТIалаб хIясибли декIарбикни Хьунуйзиб ихтияр лебси саби муруйзи магьар кабушахъес тIалаббарес, эгер муруй сунечи шаригIятли хъардарибти таманхIедиралли. ИлхIели илини муруй бедибси магьарла мас чарбарес гIягIниси саби, чула-ургаб гъамдеш бетаурли...

Имам Абу ХIамид аль - Гъазали