Имам Абу ХIамид аль – Гъазали

ДурхIя бегIтачил секьяйдали виэс гIягIнисил

- БегIти гъайбикIухIели, илдачи пикричевли лехIирхъес гIягIниси саби

- БегIти абилзухIели тIашкалзес чебиркур

- БегIтани тиладибарибси бирес

- Илди жибикIухIели, итмадан илдас жаваб чарбирес

- Мурталра илдачил гIяхIли вирес

- ВегIла мурадуни дартаахъес бегIтачи гужбирес асухIебирар

- ДурхIнани бегIтала ибси бирули, тиладибарибси таманбирули или бегIтас уркъубирхъес асухIебирар

- Гьимиличил ва гIясидешличил бегIтачи хIерикIес асухIебирар

- Илдачи къаршили гъайикIес ва илдала хъарбаркьуни тамандирес разиагардеш багьахъес асухIебирар.

Чула дурхIнала шайчирти бегIтала чеблуми

- ДурхIни вегIличи гIяхIли бирахъести тяхIяр-кьяйда алкIахъес.

- ДурхIни гIяхIтили бирнила суалтазиб илдани дарес хIебиэсти тIалабуни гьалахIедирхьес

- Къиянси замана вегIла тIалабуначи чекадхIелзес

- Аллагьли ﷻ хъарбарибси бирниличи къаршидеш хIедирес

- Илди халабаахъили, илдас бяркъ бедни уркъухIебирхъес.

Унзализи кьутIдирхънила адабуни

- КьутIдяхъили, лацла мякьла кайзес чебиркур

- Унзаличи дяхIчили кайзес асухIебирар

- Унзализи кьутIдяхъяйчи, «СубхIянаЛлагь» ва «АльхIямдулиЛлагь» ирес

- Унзализи кьутIдяхъили, салам гес

- Къадагъабарибси саби хъулибти адамтала дурутачи дигIянали лехIирхъес

- Салам гили, хъули ацIес ихтияр сасес

- Ихтияр бедалли ацIес асубирар, хIебедалли, хIерли кахIейили итмадан арукьес чебиркур

- «Чи сая?» или хьарбиухIели, «ну» или жаваб хIелугули, вегIла у бурес чебиркур.