Чашушули
Ил грузиялантала хурег саби жагьси къачала диълизибад барибси.
ГIягIнидиркур:
диъ - 800 - 900 гр; помидорти - 300 гр; муриси перец (болгарский) - 1; цIуба жерши - 2; итан жерши - 3 цула; петрушка -1 хала; укроп - 1 хала; кинза - 1 хала; аджика (порошок) - 2 халати кьулса; хмели-сунели - 1 чяйла кьулса; кориандр - 1 чяйла кьулса; лаврла кIапIи - 2; цIудара исиут (хъара) - 5; чакар, зе - бизидеш хIясибли; диъ берцIес гIявадеш.
Балкьарахъни:
Диъ кесекунарбарая, жерши дайхъу мяваначи. Кьямлизир диъ ва жерши дархаили, ила зе ва аджика имцIадарили, гIяхIил гъудурдарая ва 30 минут датирая илдазирад шин дурадикайчи. Итан жерши диштIати кесекуначи, перец ургарти кесекуначи кьисдарая. Помидортачи руржути шин чертIили, кам умубарая ва блендерлизир
Укроп, петрушка ва кинза кьисдарая. БуцIарбарибси гIявадешличилси къазайзи диъ ва жерши кабихьили, берцIая. Диълизирад шин дурадикибхIели, илдазиб белхьахъеная. 30 минутла гIергъи муриси перец имцIабарая, иличил барх хмели-сунели, кориандр ва лаврла кIапIи. 5 минут дикибхIели, помидорти ва исиут ила кадихьая, помидортани диъ кIапIбарес гIягIниси саби. Илкьяйда делхьайчи датирая. Ахирличир зе ва чакар какьая, итан жерши ва зелень имцIадарая. Ил хурег кьацIличил, картошкаличил, макаронтачил, пюреличилра гьалабихьес вирар.
