Узбекунала рагу - дымляма

Узбекунала рагу - дымляма

ГIягIнидиркур: (10 порциялис)

диъ - 750 гр;

жерши - 220 гр;

набадари - 200 гр;

итан жерши - 25 гр;

кабачкиби - 700 гр;

картошка - 300 гр;

помидорти - 550 гр;

баклажанти - 600 гр;

болг. перец - 230 гр;

зе, исиут, кьар - бизидеш хIясибли.

Балкьарахъни:

Лерилра овощуни дирцили, умударая. Камси гIявадеш картIибси 5-6 литрла къазаннизи халали ахIенти кесекуначи бурсили диъ кабихьая, илала чеди мявнадли бурсибси набадари кабихьили, зе писдарая. ХIябэсил къат дайхъу мявнадли бурсибси жершила кабихьая, илала чеди кьунбачи дурсибти картошка. Баклажанти ва кабачкиби мявнадли дурсили, шуибил къатлизи дайхъала баклажанти ва бибгIянбарибси байхъала итан жерши кадихьая. Илдала чеди дайхъала кабачкиби имцIадарая. Чеди тугъачи дурсибти перец кадихьая, гIур калунти баклажанти ва кабачкиби. Гьарил къатла гIергъи камти зе, исиут писдирес хъуммартидая. Чеди мявнадли дурсибти помидорти, дурсибти кьар ва калунси жерши кадихьая. БегIла гIергъиси къат капустала кIапIрала саби, илди кадихьили гIяхIил гъяждарая. ГIур 5 минут къалабаси цIаличиб батурли, цIа гIяшбарая ва 3 сягIятцадхIи сабаайчи батирая.