Эчпочмак
Татартала хурег
ГIягIнидиркур:
Белкьунси диъ - 1 кг;
гидгари - 1;
картошка - 1 кг;
жерши - 500 гр;
бульон - 100 мл;
кориандр - 1 чяйла кьулса;
гIявадеш - 5 халати кьулса;
зе, исиут - бизидеш хIясибли.
БетIулис гIягIнидиркур:
декь - 1 кг;
чакар - 50 гр;
хамирдан (дрожжи) - 11 гр;
ниъ - 500 мл;
гIявадеш - 60 гр;
гидгари - 1; зе.
Ванати шинничилси ва чакарличилси хамирдан балкьаахъурли бетIу башеная, декьлизи ванадарибти ниъ, гидгари ва гIявадеш бархаили. БетIу кIапIбарили, ванаси мерла кабихьая ва пушбизахъес 1 сягIятцадхIи батирая.
Белкьунси диълизи кьисбарибси жерши, дибгIяндарибти картошка, кориандр, зе, исиут ва бацIахъибси гIявадеш дархаая ва гIяхIил гъудурдарая.
БетIулизирад цугти мявни дарая ва тIинтIдарая. Илдачи диъла гъудурмай кабихьили хIябмузан жура бакIахъая ва дубани демхая. Байлаб биалли тIярхъи батирая. Чедирад гидгарили дакая.
200 градусла буцIарбарибси духовкализи кадихьили дерцIахъая.
