КАВКАЗЛАНТАЛА ХУРЕГ
Баклажанна рулетуни
ГIягIнидиркур:
Баклажан – 2;
гIявадеш – 5 халати кьулса.
БухIнабуцлис: хиви – 100 гр;
итан жерши – 2 цула;
кинза – 1 хала;
зе, исиут, бурт – бизидеш хIясибли.
Баклажанти дирцили кьисдарая ва зукьити шиннизир 15 минут датирая. ГIур гIянчIакIили, буцIарбарибси гIявадешлизир кIелра шайчирад дерцIая. Илди дяргIяйчи бухIнабуц хIядурбарая. Хиви, итан жIерши ва кьар дибгIяндарая (блендерлизирра вирар) ва буртли бакибси баклажанничи кадихьили гьарил бергая.
Салат
4 порциялис гIягIнидиркур:
Вералибяхъибси колбаса – 300 гр;
набадари – 300 гр;
чIумаси нуси – 100 гр:
хIяжланкIи – 1 тIакьа;
картошка – 200 гр;
итан жерши – 1-2 цула;
зе, исиут, майонез, кьар – бизидеш хIясибли.
Делхьи, дяргIяхъибти картошка ургарти кесекуначи кьисдарая. Набадури умударили халати тIярхъубар теркализирад дураая. Колбаса цугти кесекуначи кьисбарили, кьямлизиб цархIилтачил гъудурбарая. Нуси ва итан жерши теркализирад дураили, илдачил дархдяхъяя. БегIла гIергъи жIяжланкIи, зе, исиут имцIадарили, майонезличил гIяхIил гъудурдарая ва салат чедибад кьарли жагабарая.
Овощунала сок
ХIунтIена кьехIе – 1;
шиниша кьехIе -1;
набадари – 1;
шпинат – 1 хала;
сельдерей – 3 кьяли.
Овощуни умударили, кьисдарая ва сельдерейличил дарх соковыжималкализирад дураая. ГIур шпинат бибгIянни кьисбарили бархаая. Ил бизиси сокли хIушаб витаминти чедирцIахъу ва руди умудиру.
Беркала ашагьаб!
