ДехIибайс гIергъи дучIути балга-дугIя
h3>Идбаглизи ﷺ гьачам хьарбаибсири: «Сегъунти балгни жявли кьабулдирути ЧевяхIси Аллагьли ﷻ?» Илини жаваб чарбариб: «Илди сари дугила ахирличир (савлилис гьалар) ва фарзла дехIибайс гIергъи дучIути балгни».
ДехIибала тамандарили ва гIергъиси «салам» бедили гIергъи, балуй някъ андаличибад хIяршбарили бучIес гIяхIси саби: «Аллагьу акбар ва лиЛлягьил хIамд». – «Аллагь ﷻ ЧевяхIси ва деза Аллагьлис ﷻ».
«АстагъфируЛлагь». – «Нуни Аллагьлизи ﷻ тиладибирулра дила бунагьуначивад чевверхни» – 3 – йна.
«Астагъфиру-Ллагьаль гIазыма ллязи ля илягьа илля гьуваль хIаййаль кьаййума ва атубу иляйгьи». – «Нуни ЧевяхIси Аллагьлизи ﷻ тиладибирулра, сай ахIенси цархIил гIибадат барес лайикьси агарси, хIекьси, даимси ва мурталра чичилра хъархIеркуси ва Иличи ну тавбаличил дугьаилзулра» – 3 – йна.
«Аллагьумма анта ссаляму ва минка ссаляму, табаракта я заль жалали валь икрам» - «Я Аллагь ﷻ, ХIела у – ас-Салям, ва ХIезибад саби ас-Салям – саламатдеш, баракатчевсири ХIу, чебяхIдешла ва сахаватдешла ВегI».
ГIур балуй някъличил бекI хIяршбирули бучIа: «БисмиЛлягьи ллязи ля илягьа илля гьува ррахIману ррахIим». – «Аллагьла ﷻ уличил, сай агарси цархIил агарси, иш дунъяличив лебтачилра уркIецIичевси – бирхутачира хIебирхутачира, итил дунъяличив – чIянкIли бирхутачицун».
«Аллагьумма азгьиб гIаниль гьамма валь-хIазан». – «Я Аллагь ﷻ тяйдидара набчирад кьакьадеш ва пашмандеш».
«Аллагьумма агIинни гIаля зикрика ва шукрика ва хIусни гIибадатика». – «Я Аллагь ﷻ кумекбара наб ХIу гьаниркахъес, ХIед шукру бирахъес ва гIягIниси тяхIярли ХIед гIибадат бирахъес».
ГIур гьачам бурес: «Ля илягьа илля-Ллагьу вахIдагьу ля шарика лягьу, лягьуль мульку ва лягьуль хIамду юхIйи ва юмиту ва гьува гIаля кули шайъин кьадир». – «Чилра агара гIибадат барес лайикьси ца Аллагь ﷻ ахIенси Сунелара валликьяна агарси. Илала вегIдешлизир сари гьар секIал, Иличи дяхIчиаибти сари лерил дезни, Илини сай убкIахъуси ва мицIирвируси, ва Ил гьар секIайчив кьуватчевси сай».
«Аллагьумма ля манигIа лима агIтIайта, ва ля мугIтIыя лима манагIта, ва ля радда лима кьадайта, ва ля янфагIу заль жадди минкаль жадду, ля хIавла ва ля кьуввата илля биллягь». – «Я Аллагь ﷻ, чилра хIейрар ХIуни лугутас диргалаухъес, ва чилилра гес хIейрар ХIуни керасибти. Пайда агара давлала вегIлизибад, ХIечибадцун саби лебил давла. ХIезибад ахIи, гIяхIси барес я цIакь, я кьуват, я вайсилизивад гIелумизес цIакь агара».
«Ла илягьа илля-Ллагьу ва ля нагIбуду илля иййагьу лягьу нигIмату ва лягьуль фадлю ва лягьу ссанауль хIасан. Ля илягьа илля-Ллагьу мухлысина лягьу дина ва ляв каригьаль кафирун». – «Селра цархIил агара Аллагь ﷻ ахIенси ва Илис саби нушани гIибадат бируси. Илала вегIдешлизир сари лерил лигIматуни, уркIецIи ва лайикьси деза. Аллагь ﷻ ахIенси нушани гIибадат барес лайикьси цархIил агара, Илисцун сарра нуша уркIи-уркIиларад дулгути, ва нушани марбирулра дин Илала биъни, хIебирхутас ил кьабулли хIебиалра».
ГIур сура «аль-ФатихIа» бучIа ва цархIилти сурабира. Илдас гIергъи делчIес вирар «СубхIана-Ллагь» - «Умуси Аллагь ﷻ» - 33-йна, «Аль-хIамду лиЛлягь» - «Деза Аллагьлис ﷻ» - 33-йна, «Аллагьу акбар» - «ЧевяхIси Аллагь ﷻ». – 33-йна.
