Дурхъати дугьби
ЧевяхIси Кьудратла ВегIли декIарбарибти дурхъати идбагуни адаб хIяяла ва сабурла шайчиб адамтас гIибратли бирутири. Илдазибад гьарилла дугIя лебсири, илала кумекличил Аллагьличи ﷻ дугьабилзутири ва ЧевяхIсини илдас жаваб чарбирусири.
Айюб Идбагла дугIя
Айюб Идбагличила нушани газетала бяхIяназиб гьалабра белкIунсири. Ил декIси изай уцибсири ва сунела лебдеш, мас-мулк, хъалибарг агарли калун. Илди гIязабтачи хIерхIеили илала Аллагьличи ﷻ бирхауди калунсири ва даим ЧевяхIсиличи дугьаилзусири
«Рабби инни массания ддурру ва анта архIамур ррахIимин»
МягIна: «Я Аллагь ﷻ, марлира, набчи ну инжитируси балагь бакIиб, ХIу – уркIецIичебтазивад уркIецIичевси сайри!»
ЧевяхIси Алагьли ﷻ Сунала уркIецIиличибли иличибси балагь чебарбукиб, хъалибарг чарбариб ва гIуррара биштIати бедиб.
НухI Идбагла балга
НухI Идбаг сунелара у чуйнара Дурхъаси Кьуръа аятуназиб гьанбушибси, сунечи чедуркъубти къияндешуначи хIерхIеили, бусурмантас сабурла ва сунечи хъарти чедетаахъили тамандирнила гIибратли вирули сай.
Илала 3 балга-дугIя хIушаб гьаладирхьулра:
«Рабби анзильни мунзалян мубааракан ва анта хайруль-мунзилиин».
МягIна: «Я Аллагь ﷻ, уряхIдатаба нуша баракатла ванзаличи, ХIу – илизив бегIлара гIяхIсири (нуша къаршидикибси мерличиб ва нушачи челябкьусилизиб гIяхIсилизиб баракатбара)».
«Рабби ля тазар гIаляль арди миналь кафирина даййяран, иннака ин тазаргьум юдыллю гIибадака ва ла ялидуу илля фаажиран каффааран раббигъфир ли валиваалидаййя ва лиман дахаля байтия муъминан ва лиль муъминиина валь муъминаати ва ля тазидиз-заалимина илля табааран».
МягIна: «Я Аллагь ﷻ! Малтад ванзаличив цалра вирххIерхуси адам! ХIуни илди батадли, илдани ХIела лугъри чеббулкIахъу ва бунагькарти хIебирхантицун алкIахъу.
Я ЧевяхIси Аллагь ﷻ! Чевверхи набчивад, дила бегIтачивад ва дила хъули вирхули ацIибсиличивад, илкьяйдали бирхути мурул адамтачивад ва хьунул адамтачивад. Низам агартас селра имцIамабириб бебкIа ахIенси!»
ИлхIелира НухI даим ЧевяхIсилизи чевверхахъес тила-диикIусири: «Рабби инни агIузу бика ан асъаляка ма ляйса ли бигьи гIильмун ва илля тагъфир лии ва тархIамнии акун миналь хаасириин».
МягIна: «Я Аллагь ﷻ! Ну ХIечи дугьаилзулра, балхIебалуси тиладихIе-барес багьандан. Эгер ХIу набчивад чевхIерхадли ва уркIецIи хIебарадли, ну зараллизи бикибтала ургав вирус».
Давуд Идбагла балга
Давуд Идбаг Аллагьлис ﷻ имцIали гIибадат бирутазивадли сайри. Илини ишгъуна балга бирусири:
«Аллагьумма, инни асъалюка хIуббака ва хIубба ман юхIиббука, валь гIамала ллязи юбаллигъуни хIуббака. Аллагьумма -джгIаль хIуббака ахIабба иляййа мин нафси ва агьли ва миналь маиль баради».
МягIна: «Я Аллагь ﷻ, тиладибирулра ХIези ХIела диги, дила ХIечи ва ХIу дигутачи диги акIахъес ва дила ХIела дигиличи леркути баркьудлуми диахъес!
Я Аллагьﷻ, дила ХIечи диги цIакьтили диахъа, набчи ва дила хъалибарличи дигиличиб, дяргIибти шинничи дигиличиб (буцIарси бархIи).
