Балга – дугIя
Закат бедлугухIели
Закат бедлугухIели, балбикибси нигет барили, разидешличил бедлугуси саби ва гIергъиси дугIя бируси саби:
«Раббана такьабаль мина иннака анта самигIуль гIалим»
МягIна: «Ва нушала Аллагь ﷻ, кьабулбара нушала закат. Мар-марлира, хIу бикьуси ва балга-дугIя кьабулбируси, гьар секIал далуси сайри».
Закат касибхIели
Закат кайсуси адамли (сунес яра цархIиллис бедес), дебали дигесилизи халбиру закат гибсилис дугIя белчIни:
«Аджарака – Ллагьу фима агIтIайта, ва джагIалягьу ляка тIагьуран, ва барака ляка фима абкьайта»
МягIна: «Аллагьли ﷻ хIед шабагъат бараб хIуни гибсилис, ва ил хIу умувирнилис сабабли биаб, ва хIед батурси Илини баракатласи биахъаб».
ДубкалтухIели, гIяхIси саби иш бучIни:
«Аллагьумма ляка сумту, ва бика аманту, ва гIялайка таваккальту, ва гIаля ризкьика афтIарту, фагъфирли йя гъаффару ма кьаддамту ва ма аххарту»
МягIна: «Я Аллагь ﷻ, ХIу багьандан ну дубуцира, ХIечи вирхули, ХIечи хъарахъили, ХIела хурегли дубкатурра. Ва УркIецIила ВегI, нуни дарибтира, дирутира бунагьуначивад чевверхи».
ГIяхIладли вякьунсилав дубкалтухIели
Идбаг ﷺ чичи- биалра вякьунхIели дубкалталри, илини илдас Аллагьличи ﷻ дугьаизурли иш бучIусири:
«АфтIара гIиндакуму ссаимуна, ва акаля тIагIамакумуль абрару, ва саллят гIалайкумуль маляикату»
МягIна: «Дуббуцибти хIушачиб дубкабалтаб, ва хIушачиб адабчебти адамтани хурег букаб ва малаикунани кумекбираб».
Лайлатуль Кьадрла дуги бучIуси
Аллагьла Расулли ﷺ Лайлатуль Кьадрила дуги бучIахъес ГIяйша бурсирарибсири:
«Аллагьумма иннака гIафуввун, тухIиббуль гIафва фа – гIфу гIанни»
МягIна: «Я Аллагь, мар-марлира, ХIу – чевурхусири, ХIу чевверхес дигусири, дила бунагьуначивад чевверхи!»
Рамазан базлизир гьар бархIи 100 – на ишди гIергъити делчIни гIяхIси саби:
Гьаларти 10 – ра бархIи 100 – на «Я архIяма ррахIимин»
Ургарти 10 – ра бархIи 100 – на «Я гъаффару ззунуб»
ГIергъити 10 – ра бархIи 100 – на «Я мугIтикьу ррикьаб».
