Татартала азу
ГIягIнидиркур:
ХIяйва диъ – 500 гр;
Зукьити хиярти – 3;
Картошка – 1 кг;
ЦIуба жерши – 5 бекI;
Итан жерши – 3 цула;
Томат – 2 халати кьулса;
Диъ белхьунти нергъ – 1 стакан;
Зе, исиут бизидеш хIясибли.
Балкьарахъни: Диъ дабза тугъачи бурсили, циила берцIахъая ва ила жерши байхъу мявнадли кабихьая. Илдази томат ва теркализирад дураибти хияртира дархаили, диъ белхьунти нергъ кертIая ва садаайчи делхьахъеная. ДекIарли картошка дерцIили, диълизи дархаая. Зе, исиут бизидеш хIясибли какьая, бибгIянбарибси итан жерши кабихьили, гIурра 5 минут цIаличир датирая.
ГIяргIяла диъличилси салат
ГIягIнидиркур:
ГIяргIяла диъ – 350 гр;
Корейский тяхIярли-чил дарибти набадури – 250 гр;
ХIяжланкIила – 1 тIакьа;
Гидгари – 4-5;
Нуси – 150 гр;
Зе, исиут, майонез бизидеш хIясибли.
Балкьарахъни:
Белхьунси гIяргIяла диъ бутIнадбарили, тугъадли бурсая. Делхьунти гидгури ва нуси теркализирад дураая. Къатани хIясибли хIяжланкIи, гIяргIяла диъ, набадари, гидгури, нуси кадихьая, гьарил къат майонезли бикули.
Корейский тяхIярли-чил дарибти набадури хIеди-алли, зярхIси набадари бер-цIили гъудурбаресра вирар.
Пуш-вавализирад чяй
Пуш-вавализирти (одуванчик) пайдалати секIай кьаркьайзибси холестерин гIяшби-рахъу, хIи ва дулекI умудирахъу, рудала бузери ункъбирахъу. Урцецунас ва гьимила пушягIлис кумекбиру, илдазирад гъум дурайу ва къаркъуби детхIе-рахъу. Илини дягIла ва букIмала излумачи, илкьяйдали демдрила (рак) изайчи къаршидеш дирути сари.
Чяй дарес багьандан 5 вава касили, илдачи руржути шинна 1 стакан кертIая ва кIапIдарили 20 минут датирая. Илди бархIилис кIина хуреглис гьалар дужути сари, кIел жумягIла духIнар. Замана дикили гIергъи, гIурра тикрарбарес вирар.
