бекlлибиубси бяхlличи чарухъес

ДурхIни разибариб

ДурхIни разибариб

ДурхIни разибариб

 

Нушани гьалабра буриливан Дагъистанна лерилра шагьуртазир ва районтазир динна кьяйдурти руркънила дуцIрумла курсани детурхутири. Илдачи башули калунти уршби-рурсбас имкан бакIиб матъал дехIибала дирес бурсибиэс, Кьуръан бучIес, идбагунала тарихличила баянти дагьес ва цархIилтира багьудлуми касес.

 

 

 

 

 

 

ХIера, августла ахирличир илди курсани тамандиънила хIясилти каиб. Гьар жузла тема таманбиубхIели дурадуркIути тестанала ва конкурсунала хIясилти каили, дурхIнас савгъатуни дедиб. Илкьяйдали бегIлара багьудичебтала-ургаб ахирласи конкурсла бутIа дураберкIибсири. Курсани тамандиънилис хасбарибси байрамличиб илаб декIарбухъунти дурхIни шабагъатлабариб. Гьарил конкурсла номинациябазир предметуни хIясибли хIябал мер лерри. Кьуръан бучIнилизиб, дехIибала дирнила жуз ва идбагунала тарих жуз хIясибли илаб декIарбухъунти уршби ва рурсби шабагъатлабариб. Савгъатунала дурар илдас арцла шабагъатунира дедиб. Гьайгьайрагу, илкьяйда бархьси динна гьунчи кабизурти жагьилтала наслу республикализиб лебни ва илди имцIабикIни дебали дигеси саби.

ЧевяхIси Кьудратла ВегIли илди сабабли нушала челябкьла шаласили биахъаб, иман цIакьбараб, бусурманти мусибатуназибад берцахъаб. Амин!

 

 

2026-08-01 (Сафар 1448 д.) №8.


ХIижаб бихнила 10 сабаб

Чумал дус гьалаб нуни хIижабла мягIна гьаргбарира, ва ЧевяхIсила уркIецIиличибли гьанна разидешличил ил бихулра. Иш белкIлизиб нуни бусурман хьунул адамтани хIижаб бихнила сабабтачила бурис. Рирхулра ишди баянтани цархIилти рузбира илгъуна баркьуди дураберкIахъес уркIичеббиру.   Се саби...


УркIи изутира леб

КIел жумягIцадхIи, улкала цацадехIти регионтазирван, нушала республикализирра цIабикьалала (топливо) багьнала шайчир гIяхIцад дарсдешуни кадикиб. Илди хаслира къячдикун шагьуртазиб хIербирути адамтачи.   Буралли, цIабикьалала багьни дусла бехIбихьудличирадал гIяхIцадла ахъдиублири. Амма...


Суалти-жавабти

– Мурул-хьунул декIарбикили гIергъи хьунуйзиб муруйзибад къиян –хIекь чебахъахъес (компенсация) тIалаббарес ихтияр лебсив, эгер мурул цахIнаб хIербирухIели хьуна арцличил хIерирули кали виалли? – Эгер мурул хьуна арцличил хIерирули кали виалли, илини биалли дугьбачил иличи...


ДехIибайс ужра

Дархьли, дурусли, чедетаахъили, кьабулдаресли дарибти дехIибайс Аллагьли ﷻ гIеббиахъуси халаси ужраличила бурути дахъал хIядисуни лерти сари. Илди гьаладирхьулра:   «МухIяммадлира ﷺ илала умматлира дарибти савлила дехIиба 2 ракагIят багьандан ил бархIилара ил дугилара бунагьуначивад...


Се бируси?

– Адамли урхIла беткахъибси мицIираг баргили виалли се бируси?   – Эгер адамли шила яра шагьарла дураб урхIла мицIираг баргалли, илизиб ихтияр лебси саби ил сунечил барх арбукес, сунес батес ахIи, илала хужаим варгайчи мяхIкамбарес багьандан. Илкьяйдали илини къайгъибарес...