Жяв замана ца вачрукьяни архIяла манзил халаси, лагьала гидгарицад алмаз асиб. Амма илала бухIнаб пIякь лебри. ИлхIели вачрукья мургьи-арцла устачи вакIиб. Устали буриб: - Иш дурхъаси къаркъа кIел бутIаличи бутIили, кIел пергер къаркъа дарес вирар, ва г
Жяв замана ца вачрукьяни архIяла манзил халаси, лагьала гидгарицад алмаз асиб.
Амма илала бухIнаб пIякь лебри. ИлхIели вачрукья мургьи-арцла устачи вакIиб. Устали буриб:
- Иш дурхъаси къаркъа кIел бутIаличи бутIили, кIел пергер къаркъа дарес вирар, ва гьарилла багьа дурхъасили бетарар. Амма мяхIкамдеш агарси ца шикьли иш тIабигIятла гIяламат дибгIянти кесекуначи тIутIубарес бирар, ва гьарли-марси багьа бетихъур. Ил багьандан нуни ил секIал барес хIейрус.
Илкьяйдали цархIилти устнира кьабулбиркули ахIенри. Ил гIяламат чебаили илдала някъби руржесдирхIулри. Амма илдани вачрукьязи маслигIятбариб ца мургьила някъбар устачи дугьаизахъес.
Вачрукья иличи вякьи, алмаз чебаахъиб. Ухънани дурхъаси къаркъа някъбази касили, хIербариб ва бялчухIели ил дибгIянти бутIначи тIутIубиэс бирниличила буриб. Вачрукьяни ил секIал чуйнара бакьили, балулри. ИлхIели уста лайикьси багьара бурили, кумекбарес кьабуликиб. Вачрукья кьабуликибхIели, ухъна устали сунела жагьил кумекчи живарили, илизи се барес гIягIнисил аргъахъиб. Илини касили къаркъа хъатлизи кабихьили, чебетаахъили хIербариб, ва бяхъили кьякьли кIел цугти бутIаличи бутIиб. Вачрукьяни тамашавиубли хьарбаиб:
- СецадхIи виубли иш хIечив узули?
- Чумал бархIицун сай узуси. Илини гьачамлис ил дурхъаси къаркъала гьарли-марси багьа балули ахIен, ил багьандан илала някъ чIумаси саби.
