Рузила диги
Рузила диги
ХIербирули буили саби узира рузира. Илдала бегIти жявли бебкIили, сабицун калунтири. Цалис цали кумекбирули, цали ца гIеббурцули илди халабаиб.
Узи хIервиэс шагьарлизи арякьун, рузи биалли - шилизир калун. Ил сунела кьяй гибти ниъ ва хъучирад дакIибти овощуни дирцули хIеррирулри. ДуцIрумлизир илини вацIализир шайтIа кьапIни, кьар, цIедеш дурчутири ва дирцутири. Яни биалли, ванаси манзил сунела бузериличибли бучибси напакьаличил хIеррирусири.
Узис ил цIахбилзусири, ва рузи халаси хъали лебли биалра, сунечи шагьарлизи жихIерирусири. Шагьарлизирти делкъунти гIямрули илизи рузичила жявли хъумартахъурлири.
Амма рузи иличи гьимруркIули ахIенри, ва гьар манзил илис ва илала хъалибарглис сунела някъбани дарибти савгъатуни дурхьутири. Илини узизибад селра тиладибируси ахIенри, мурталра хIурматбирусири ва илала вархибдеш иргъусири.
Рузила биштIаси хъали, биштIаси ванзала мер, ва хъа мицIираг лерри. Илкьяйдали дусми ардякьун…
Узичил барх бузути бархкьябани ил увведиб ва илала бизнес кебасиб. Давлачерли хIеррирули бурсириубси хьунул селра агарли калунси иличил руэс хIейгули, цархIилличи аррякьун. Урши вайти хасиятунази ва держлизи ахъиб. Хъали ва машина биалли чеблумас керасиб.
ИлхIели биалли, узис рузи гьанрикиб, ва иличи шилизи арякьун. Рузила биалли, гьар секIал ункъли сарри. Дярхълизир авал кьял ва къачни, мазала мас, къузри, гIяргIни. Азбарлабси сагаси машиналичир муруй ниъ, нуси, гидгури ва цархIилтира секIал шагьарлизи дицес ардихулри. КIелра дурхIяли институтуни тамандирулри.
Рузини узис хурег гьала кабихьибхIели, ил тамашавиуб: гьар секIл рузила хазяйстволизир дакIахъибти сарри. Узис цIахбизурли, ил сунечирад черрерхахъес тиладибариб. Рузи биалли гьимрукIили ахIенри, илини хъумхIертур риштIахIели узини сунес барибси къуллукъ. Илини бегIтала буркьа хъали балбарайчи узи хIериахъес хъали бедиб, ва сунела хозяйстволизиб хIянчи гьалабихьиб.
НасихIят: хIушала гъамтачирад гьарахъмадиркудая, ва хIуша акIубси ванзаличила хъуммартидая.
Аллагьли ﷻ кьадармабараб нушаб илдигъунти адамтала лугIилизирадтили детаахъес. Гьарил адамлизиб ихтияр лебси саби талихIчевсили виэс, амма се тяхIярли талихI сархес чебсил хъумартес асухIебирар. ВегIла хъалибарг ва вегIла неш-ванза мяхIкамдарес гIягIнили биъниличила вари, хъуммартидая.
