ТалихIлигIиб къяйцIли

ТалихIлигIиб къяйцIли

Къяна вацIализибси галгаличиб хIербирулри ва сунела гIямруличи разилири. Цагьачам илини лебедь чебаиб. «Ит лебедь дебали цIуба, ну биалли, цIудара буилрагу, - пикрибухъун ил. Ил дунъяличиб бегIлара талихIчебси арцан бургар».

Илини бякьи лебедьлизи сунела децI буриб. - Марлира, - бикIар лебедь, - ну бегIлара талихIчебсира или гьанбиркусири наб попугай чебаайчи, сабира кIел рангла. Гьанна наб гьанбиркули саби попугай бегIлара талихIчебси саби или. Къяна бякьи попугайличил ихтилатбариб.

Попугай бикIар: - Нура талихIчебли хIербирусири, жагаси тIавуз чебаайчи. Дила цакIел сари ранг, ил биалли, лерил ранганачил жагали рурхIули саби. Къяна буэс хIебиубли, тIавуз лебси мерличи бакIиб. Ил зоопарклизиб лебри ва ил чебаэс бахъал адамти цалабикилри. Адамти арбякьи гIергъи, къяна тIавузличи гъамбиубли бикIар: - АхIерси тIавуз, хIу илцадра жагасири ва талихIчебсири! Гьар бархIи азиртадли адамти башули саби хIу чебаэс. Ну биалли, чебаили, дугIиулра. Дила пикрили, хIу дунъяличиб бегIлара талихIчебсири.

ТIавуз бикIар: - Набра гьанбиркусири ну бегIлара жагаси ва талихIчебси арцан бургус или. Амма дила жагадешличибли, ну тIимкьлизибра. Нуни лерилра зоопарклизирти мицIираг чедаира, илдазиб къяна агара ва дила иличи хIясаддеш акIуб. ГIергъиси манзил ну пикрибикIусири къянаван азадли ва талихIчебли биэс дигахъаси или. Адамталара ил саби челукьуси масъала. Нушани гIягIниагар шайчир мешубуцуни дирулра, гIур шишимдикIулра ва иличирли талихIагардирулра. Аллагьли ﷻ гибси кьиматлабарили, разили диреная. ЦархIилтачил цугбурцуси баркьуди батирая. Иш дунъяличир нушакIун нушачиб вайтIа хIербирутачи хIердикIес гIягIниси саби. Ахиратла баркьудилизиб биалли, нушачибра гIяхIтачи хIердикIес. Илгъуна тяхIяр бузахъахIелли, лерилра масъулти арзили дирар.