ХIусейн
ХIусейн
Персияла вегIбекI Маликла урши ХIусейн мурталра шаладикайчи айзурли мижитла вашусири.
Илав илини дебали чекайзурли дехIибала дирусири ва халаси къайгъиличил вахъхIи улгули гIибадат бирусири. Хъули чарухъунхIели, сунела къаравашуни бурушлаб чебаили, ил гIясиирулри. Динна шайчир илцадра авараагардеш дакIудирнилис ил илдачи ургъес вехIирхьулри.
Маликли иличи гIяйиббариб. Ил викIар: «Ва дила урши! Сен хIу илдачи ургъусири? Селра багьана агарти лугъри убяхIбирули, хIуни дирути гIяхIдешуни агармадирид. Наб хIу пикриухъи дигахъаси, сенахIенну лебтачивра жявли айзурли, мижитлизи вашули или, хIед гьанбиркусигъуна саби, хIечивра гIяхIси дунъяличив чилра хIергар или. Илдачив хIу чевяхIси сайри или гьанмабиркахъид хIуни, илдира Аллагьли ﷻ акIахъубти сабину. Илдази хIуни чули хIебарибси секIайчила уркъмабирхъид. Илди бархIи ахъайчи бамсурли, савли абилзес къиянни саби. ХIуни илдас кумекбарес дигадли, илдачи хъардирути хIянчи камдара».
