Духуси тIума

Ца вацIализиб хIербирули тIума буили саби. Ил бархIи- ахъайчи кьяпIдарили хIул-бира галгаличи кабирулри. Амма илис вацIализир кадиркути лерилра секIал далулри ва жанивартас бархьси диван бирули, гIякьлу бурулри. Ил багьандан илдани илала халаси хIурмат бирулри. Гьачам иличи пилра маймунра дакIили дикIар: «Ва, духуси тIума!Нушаб ца суал арзес хIяжатли саби. ХIуни бархьси диван бара». ТIума кьабулбикиб.

Маймун бикIар: «Дила пикрили гIякьлу цIакьличиб гIяхIси саби. Пил биалли иличи ургIебли, цIакь гIякьлуличиб гIяхIси саби бикIар. Нушазивад чидил вархьсил бура?»

ТIума хIулби кьяпIдарили пикрибухъун ва бикIар: «Чебиулрав хIушани ит гIинцбала галга? Иличирад гIинцби касили, хая». Маймун ва пил галгаличи арбякьун, амма илди-ургаб хIеркI лебри. ИлхIели пил бикIар: «Чебиулрив! ЦIакь гIяхIси саби, дила цIакь хIебиалри, нуша хIеркIличирад детахъдикес хIедирутири». Маймун пилличи мурдабииб ва илдани хIеркI ахъиб. Галгаличи бетаили илдани гIинцби касес кьасбариб. Пилли сунела къянкъличил кьялуби гIяшдуцес кьасбариб, амма биъхIебиуб, илди дебали ахълири. ИлхIели маймун дукарбяхIиб ва бикIар: «ХIези нуни бурирагу цIакьличиб гIякьлу гIяхIси саби или. ХIу илцадра халаси ва цIакьси биубли хьалли цалра гIинц касес хIебиубри». Илкьяйдара или маймун галгаличи тIяхIбухъун ва гIинцби далцIун. Илдира хили илди тIумачи чарбухъун.

ТIумали хьарбаиб: «Гьанна бурая гьари набзи се гIяхIсил цIакь яра гIякьлу?!» Ил бикIар: «Илди кIелра гIягIнити сари. Маймун пилла кумек агарли хIеркIла итил шайчи бетахъбикес хIебири, пилли биалли маймун агарли гIинцби дучес хIебири. Илбагьандан цIакьра гIякьлура кIелра дебали мягIничерти сари».