НасихIят
Аллагьла ﷻ жузачи вирхни
Аллагьла ﷻ жузи – дугьби сари идбагуначи дархьибти.
Илдазир Аллагь ﷻ ца виъниличила баянти, тарих ва адамтас ЧевяхIси Аллагьла ﷻ хIукмурти лерти сари.
Илдазирад Кьуръайзир гьандушили сари Забур, Таврат, Инжил, Кьуръан.
Кьуръан МухIяммад Идбагличи ﷺ бархьибси саби.
Кьуръанцун саби барсдеш агарли мяхIкамбируси Кьиямала бархIи сабаайчи.
ХIушала багьудлуми ахтардидарая:
1.БегIлара гIергъиси Аллагьла ﷻ жузлис се бикIара?
- Чичи бархьибсири Дурхъаси Кьуръан?
- Дурхъаси Кьуръайзиб се лебси?
4.БалкIдешуназибад Аллагьла ﷻ чидил жуз мяхIкамбарибси?
Суал – жаваб:
- БегIлара гIяхIти адамти-ургав виэс дигив?
Кьуръан бучIес бурсивии ва цархIилтира бурсибара!
- Алжанализи ацIес дигив?
Кьуръан хIясибли хIервии!
- Алжанализиб ахъси даража дигив?
Кьуръан имцIали бучIен!
Ахтардила хIянчи:
Аллагьла ﷻ жузачила бура.
Кьуръайчила хIядисуни делчIен.
Кьуръан белчIес бурсивии.
Гьар бархIи Кьуръа ца кIапIи биалра бучIен.
Кьуръан тажвидла тяхIярличил бучIес къайгъибара.
Кьуръайзирти къантIти сураби дяркъурли, дехIибайзир илди дучIен.
