МУСЛИМАТ

ДяхIла камлис маска

Варъаличилси маска

ГIяваси дяхIла камлис варъаличил бируси маскалис гIягIнидиркур:

2 чяйла кьулса варъала; 20 кIантI лимонна сокла;

1 халаси кьулса гIявали ахIенси буртла. Илди гъудурдарили, дяхIла кам бакая.

20 минут батурли, гIур ванати шинничил бирцая.

Хурег балкьарахъни

Кореялантала набадари

ГIягIнидиркур: Набадари – 400 гр; итан жерши – 5 цула; зе – 1/2 чяйла кьулса; чакар – 1 халаси кьулса; цIудара перец – 1/2 чяйла кьулса; кориандр – 1/3 чяйла кьулса; кьанцIа – 2 халати кьулса; гIявадеш – 3 халати кьулса.

ХIядурбирни: Набадари теркаличибад дураая, илизи пIянчIаили итан жерши, зе, чакар дархаая. БибгIянси цIудара перец, кориандр какьурли, кьанцIа кертIая. Илдала чедибад буцIарбарибси гIявадеш кертIая ва някъбачил гъяжбирули, гIяхIил гъудурбарая. КьяпIбарибси чебхьлаличил, холодильниклизи кабихьая, 3-4 сягIятла гIергъи ил пайдалабарес вирар.

Беркала ашагьаб!