ТIабигIятла дармунти
Мямури (клюква)
Илдазир дахъал белокуни, углеводуни, гIявадеш, лимонная, бензойная, яблочная, олеиновая кислотаби, витаминти, пектинти, глюкоза, фруктоза, сахароза лерти сари. Илдани уркIила хIила бузери жигарчеббирахъу, хIила бертаби (тромбы) хIедиахъубли. Демдриличи къаршидеш диру ва хIила туми дягIухIедирахъу, иличибли варикоз бетхIерахъу. Варъаличил дукалли, илдала пайда имцIабирар.
Инжир
Илдазиб Омега-6 ва 6 - кислота, РР ва В витаминти, рутин, бета-каротин, калий, натрий, фосфор, железо, магний ва дахъал цархIилтира секIал лерти сари. Илди дебали гIяхIти сари арадеш нукьсанбикибтас: хIила гъяж ахътас, кьаркьайзиб кальций камли биалли, лига-кьякья чIумадиахъес, хургьрала изала лебтас, хIи камтас, хьунул адамла хасти биркIанти вайтIа дузутас. Илкьяйдали илдани кьаркьайзиб демдрила изала (рак) ва чакарла изала адхIекIахъесра кумекбиру. Урцецуни умудиру, тяхIувиубхIели иммунитет ахъбурцу.
ГIинцби
Дерубти гIинцби дебали гIяхIти сари чузир В кьукьяла лерилра витаминти ва цархIилти кьаркьа бузерилис хIяжатти микроэлементуни лерни багьандан. Амма илди дугели дукес асухIебирар! СенкIун инсулин ахъбирар ва адам усухIели кьаркьайзибси гIявадеш имцIабирар. Илдани уркIила-тумала бузерилис, камлис, клеткаби имцIадикIнилис буресагарли халаси кумекбиру. Илизиб гIурра леб Е витамин, сабира хьунул адамтала арадешлис ва жагадешлис къарауйчибси. Илдани нерваби ряхIятдирахъу, гьав ахъбирахъу. Хьунул адамли дерубти гIинцби дукалли, илала кьаркьайзир лерилра гIягIнити витаминти ва минералти гIягIниси кьадарлизир дирар.Дерубти цIедеш деркес гьалар гIяхIил ицути сари. Илдазирад компотунира дарес вирар ва илкьяйдали кашанази дархаили дукесра. Дерубти цIедешли кьуват луга илдазир углеводуни, пектинти, органическая кислота, клетчатка ва макро-микроэлементуни лерни багьанданра. Амма кьаркьа чехIейсудеш лебтас ва чакарла изала лебтас илди дукес асухIебирар. Илди биштIатас баибти хьунул адамтанира ва биштIати чула ниъли балхутанира, мяхIкамдешличил пайдаладарес чебиркур.
