Табасарантала чуду
ГIягIнидиркур:
Декь – 1 кг;
Шин – 500 мл;
Белкьунси диъ – 500 гр;
Картошка – 4;
Жерши – 2;
Зе – 1,5 халати кьулса;
Исиут – 1/2 чяйла кьулса;
Кумин – 1 чяйла кьулса;
КIема – 100 гр.
Балкьарахъни: Ванати шинничил чIумали ахIенси бетIу башеная ва камси манзиллис кIапIбарили батирая. БухIнабуцлис зе, исиут какьурли белкьунси диъ хIядурбарая. Жерши бибгIянбарая, картошка кьисдарая. Кумин бибгIянбарили, бархаая ва камти шин имцIадарили ил гъудурмай башеная.
Илизирад 4 чуду детарар. БетIу 4 диштIати 4 халати кесекуначи бутIая. Халаси бетIула кесек 30 см мяваличи тIинтIбарили иличи диъла гъудурмай кабихьая. ГIур биштIаси бетIула кесек тIинтIбарили чедибад бемхая. Чудула дайлизиб тIярхъи барая ва 200 градусла буцIарбарибси духовкализиб 10-15 минут берцIахъая. БерцIибси чуду кIемали бакая ва кIантIисили биахъес чедибад кIапIбарая. Тяп илкьяйдали цархIилтира дерцIая.
