ГIяргIяла диълизирад бехIцIури (оладикуни)
ГIягIнидиркур:
Белкьунси гIяргIяла диъ – 250 гр.
Картошка – 250 гр.
Къабакъ – 160 гр.
Жерши – 50 гр.
Гидгари – 1
БетIу – 2 халати кьулса
ГIявадеш – 70 мл.
Зе, исиут – бизидеш хIясибли.
Хурег балкьарахъни
Картошка умударили, халати тIярхъубар теркализирад дураая ва гIянчIдакIая. Къабакъ умубарили, теркализибад бархьаая ва картошкализи бархаая. Жерши бибгIянбарили, овощунази гъудурбарили, ила диъра бархаая. ГIур гидгари, бетIу какьурли, гIяхIил гъудурбарая. Къабакъли бехIцIурас жагати ранг ва бизидеш луга. Табализи гIявадеш кертIили буцIарбарая ва илар 3-4 минут балтули, кIелра шайчирадли дерцIая. ИмцIаси гIявадеш убасес илди кагъарла салфеткаличи кадихьая. Чедаахъибти продуктуназирадли 12 бехIцIари детарар. Илди соусличил яра майонезличил гьаладихьес вирар. Беркала ашагьаб!
