Буреси багьес чебиркур
Буреси багьес чебиркур
Ца машрикьла вегIбекIли урехиласи муэр чебаиб. Илала цалис ца гIергъи лерилра цулби кадикилри. Дебали вачавархили илини вазир тIалабвариб ва сунечи муэрти баяндиран живарахъес хъарбариб. Ил вакIили пачали бурусиличи лехIизур ва викIар: «ВегIбекI, нуни хIези пашманси хабар бурес хIяжатли саби. ХIела цалис гIергъи ца лебилра гъамти агарбирар».
Илди дугьбани пача гIясивиахъуб. Илини ил адам туснакълизи лайвакIахъес, ва цархIил адам тIалабварахъес хъарбариб.
ЦархIил муэрти баяндиран кибхIели, пачали илизира сунела муэр буриб. Ил ухъна вегIбекIличи лехIизурли викIар: «Ва пача, хIези нуни разиси хабар бурис – хIу лебилра хIела гъамтиван ахIи вахъхIи хIервируд».
ВегIбекI разивиубли ил сахаватдешличил шабагъатлавариб. Вазирти иличи дебали тамашабиуб.
«ХIуникIун тяп хIед гьалавсинигъуна саби бурибси, сен ил танбихIлаварили, хIу шабагъатлаварибсири гьатIи?», – хьарбаиб илдани.
Ухънани жаваб бедиб: «Нушани муэр цаван баянбарили диэсра асубирар, амма иличила секьяйда бурусилра багьес гIягIниси саби».
