Закат бедлугути адамти
СяхI калкьни
«Рамазан базлизирти дуббуцари ванзалара заклара ургар дирар, закатуль-фитIр бедайчи. Ил бедили гIергъицун сари илди заклизи ахъдурцути.
Закатуль-фитIр бедес сайра, сунела хъалибаргра, сунечи хъартира берк-бержлизиб ва яшавлизиб гIеббуцес ахъри лебси гьарил адамличи чебси саби. Закатуль-фитIр сасес бирар гехIел журала-даражала адамтани, чус лебдешличибад закат сасес асубирути. Закатла садакьа бедили биэс бирар гIергъиси даражала адамтас: къарцинтас, мискинтас, закатлис къуллукъличибти адамтас, сагали бусурман дин кьабулбарибтас, дихьалис акьубатурти лугърас, чеблалиубтас, Аллагьла ﷻ гьунчиб бургъутас ва гьункьябас.
1.Къарциндеш гIердаибси, сунела лебдеш агарси, сунечи лайикьси хIянчи агарси, сунес хIериэс имкан агарси ва сунес кьайгимдеш дирути гIеббуцес ахъри агарси адам сай.
2.Мискин – ил лебдешра сунечи лайикьси хIянчила мерра лерси адам сай, амма илди илис яшав барес даарила кьадар диули ахIен.
- Закатла къуллукъчи – ил закат бурчахъес ва буртIахъес сунечи хъарбарибси адам сай.
- Сагали бсурман дин кьабулбарибси – или закат бедлугуси саби.
- Дихьалис баткаибти лугъри – сунела вегIлис белгиси кьадарлис баткаибти лугъри саби.
- Чебла лебси. ХIялалси кьасличил арц сасибси ва чардарес бажардихIейкибси адам сай.
- Аллагьла ﷻ гьунчив ургъуси. Илис закат бедлугуси саби дявти детурхуси мерличи ваэс ва илавад гIелавяхI чарухъес баарила кьадарлизиб, ярагъ тIалабдарахъес ва илдигъуна хIяжатунас.
- Асубируси мурад сархес сапарличи дуравхъунси гьункьяс ил закат буртIуси мерличи къаршиикибси виаллира сунела сапар ахирличи бикахъес хIяжатли биалли, илис закат бедлугуси саби.
Кьабулбараб Аллагьли ﷻ лебталалра закат. Амин!
